والله كلام اختي سبائك العسجد صحيح
اهم شي لاتشترين من برومود لان العالم كلها منه
انا حتى لو عجبني شي عنده ماقدر اشتريه واذا شريته ماالبسه في الجامعة لاني ادري اني بروح وبلقى نص الجامعة لابسين زيي


اما بالنسبة للعباية اشتري عباية كشخة وغالية لأنك راح تكونين لابستها طول الوقت
لبس العباية في الجامعة صايرة موضه عندهم تشوفين الوان واشكال تهبل يعني هم يخلونها فوقهم عشان يستعرضون فيها اما السبب الرئيسي فليس هناك اي سبب

صح نسيت اقولك ترى لبس العباءة في المحاضرات ممنوع يعني يخلونا نفصخها وخصوصاً اذا كانت محاضرة دكتور المشرفة تدقق من هذي الناحية لانها فاضية ماعندها الا تراقب البنات اما اذا كانت المحاضرة عند دكتورة فهي تنسى تقولنا وتخلينا بالعباية

انزين اذاكانت الوحده تخصصها طب بتضطر تلبس العبايه لان اكثر المحاضرات يشرحون فيها دكاترا


وبعدين التنوره اي لون نلبس ؟

انا سمعت من وحده ان التنوره اما سوداء او كحلي او بني صح هل الكلام ولا لاء؟


والعبايات شلون يكون شكلها ولازم تكون عباية كتف؟ واذا الوحده لبست عباية راس يكون شكلها خطا ولا لاء ؟

حبيبتي اذا انتي في جامعة الدمام فالتنورة اي لون اما الاحساء يشترطون عليهم الوان زي ماقلتي

بالنسبة للعباية على راحتك تبين راس والا كتف
مو غلط ولاشي بس اغلبية البنات كتف

انا في جامعة الملك فيصل بالدمام


مشكوره حبيبتي يا عسل صافي على هالمعلومات


على فكره انت اي قسم ؟