السؤال الأول ابغى اسأل وش أكثر جوالات الكاميرا عملية والسؤال الثاني عن الماسنجر

السلام عليكم ورحمة الله وبركاته.......

مرحبا خواتي الحبيبات وش اخباركن..وش علومكن ..عساكن بخير.. الله يحفظكن ويخليكن لعين ترجيكن...

خواتي الله يعافيكن ابغى مساعدتكن واللي عندها المعلومة لا تبخل بها جزاكن الله خير...

السؤال الأول: ابغى اسأل وش أكثر جوالات الكاميرا عملية وتتحمل الصدمات والطيحات لأن بصراحة امي بتشري جهاز جوال كاميرا وتبغى اكثر واحد عملي لأن اخواني صغار و دايماً الجوال بيدينهم.....


السؤال الثاني: انا بصراحه ما اعرف بالماسنجر وكيفية التعامل معه و عرفتني عليه بنت خالتي وقالت لي انا بضيفك عندي بعدين بيطلعك اني اضفتك بعدين اضغطي موافق ورحت فتحت جهازي وفتحت الماسنجر من الايقونة اللي بشريط ابدأ و سويت موافق واضفتها وانا ما ادري وش السالفة وتكلمت معاها شوي وقالت لي ان حقك قديم ما يطلع صور ولا شي... علماً بأن الماسنجر الموجود في جهازي Windows Messenger وجهازي جديد ( لاب توب) ديل توني شاريته من كم شهر ورحت وحملت ماسنجر جديد من موضوع منزلته احد العضوات الله يجزاها خير هينا في قسم الحاسب في عالم حواء.. وفتحته واحيانا يقولي فشل في التسجيل ومره يفتح بس ما عرفت اتعامل معه يعني وشلون اتكلم مع شخص معين وشلون احذف ..؟؟ وشلون اضيف شخص( ايميل) ؟؟ وشلون احط لي صورة ؟؟ وشلون احط لي اسم ؟؟ وش معناة التوبك ..؟؟
هل بامكاني اني اغير الايميل واحط ايميل ثاني يعني الماسنجر موجود في بريد معين ابغى اغير هالبريد وشلووون ؟؟؟
وشلون اقدر ارسل رسايل عن طريق الايميل من خلال الماسنجر؟؟؟
وشلون احط لي خلفية في الماسنجر ..؟؟.. واذا كنت شابكة النت هل اللي في الماسنجر يدرون اني متصلة..؟؟... واللي مضيفتهم وشلون ادري اذا ادخلو النت ولا لا.. يعني شبكو الماسنجر؟؟؟؟؟

انا الحين اضافت لي بنت خالتي شخصين ( ايميلين) لما ابغى اتكلم مع واحد منهم والثاني لا وشلوون؟؟


بناات الله يعافيكم .. الله يعافيكم ردوا علي لا تطنشوني.....

الله يجزاكم خير..
وآسفه على الأطالة على الازعاج بس والله مالي الا الله ثم انتم ... والله بنت خالتي كانت ناوية تعلمين بس جت الدراسة ورجعوا لديرتهم...
قلت مالي الا الله ثم بنات حواااء.... الله يحفظهن...

الله يجزاكم خير ..ردواا علي..