السائل البني الدائم

السلام عليكم خواتي
بدخل بموضوعي ع طول لاني حيل تعبت نفسيا من حالتي صار لها فتره طويله وابغا منكم حل او المساعده


انا من لما كنت بنت كانت تنزل مني بعد الدوره بكم يوم سائل بني وتستمر معاي للدوره القادمه


تعبت رحت مستشفيات حكومه وخاصه وماستفدت مابقى شي ماسويته
قبل ثلاث سنوات او اكثر رحت للمركز العادي عطوني حبوب تنظيم
بعدها صرت اعرف لنفسي وعرفت ان الدوره منتظمه اصلا عندي كل 28 يوم
وبعدها بفتره طويله رحت مستشفيات خاصه
اول مستشفى عطوني غسول ومرهم ع المنطقه وكمان ماستفدت بس حسيت ان شي فيني كان نازل ورجع لمكانه وارتحت شوي


ثاني مره رحت لطبيبه خاصه سويت تحاليل سليمه قالو هرومون حليب واستخدمت حبوب مع العلم ماعندي الم بالصدر الا قبل الدوره بيومين او كم يوم فقط
ومرت الايام كله مستشفيات ماظل مرض ماحطوه فيني من الياف
وبطانه مهاجره في مستشفى الحكومه للولاده
وتحاليلي كلها سليمه والدوره منتظمه رحت نفس المستشفى للاخصائي قال لايلعبون بجسمك ولاسويت المنظار لاني كنت لسا بنت قاا لي الاستشاري عندك ممكن تقلصات بالرحم بعد ماتتزوجين وتجيبين اول طفل راح تروح


لاكن الحين مشكلتي تزوجت صار لي سنه وشهرين تقريبا ماحملت رحت لممرخه وتمرخت 3 ايام وقت الدوره
ولسا السائل البني لاحظته هالشهر وقت التبويض بعد جماع يوم 13 من الدوره
واستمر معاي الى الان والدوره قرب موعدها

تعبت وابي احمل بطفل دعواااتكم


وعذرا اطلت عليكم بقصه حياتي لاكن تعبت من المستشفيات قبل اتزوج وخايفه اروح ثانيه


بوشو تنصحوني ومن مرت عليها هالتجربه
يصير تكون كل مره تنزل علي السوائل تكون ذي بقايا دوره سابقه ولا وشو


للمعلوميه عمري 26 سنه