السلام عليكم ورحمه الله وبركاته
بنات انا شفت ساري هندي واعجبني وكلمت التاجره علشان اطلبه قالت هو قماش قطعه وحده طويل انتي تخيطينه بلوزه والي تحت يجي ملفوف والباقي تحطينه على الكتف بصراحه مافهمت واخاف اشتريه والخياط مايضبطه اعطوني رايكم من شرت قماش وكيف خيطته وانا عندي صوره لساري الهندي يعني اعطيه الخياط ويخيط نفس الصوره ولاكيف اعطوني تجاربكم
يلزم عليك تسجيل الدخول أولًا لكتابة تعليق.
انا شريت ساري وفصلته فساتين لبناتي الصنيفه حطهاعلى الصدر ومن تحت على حاوف الفستان طلعت الفساتين حلوه الموديل كان موجود عنده. ممكن تروحي الخياط وهو عنده موديلات.
انا عندي ساريات وفعلا تكون قطعة واحدة وتكون قطعة البلوزة مخيطة معاها اا قماش التنوة انا اشتريها نفس اللون سادة.وفعلا الخياط يعرف يضبطها. وتكون سهلة باللبس.ملبوس العافية مقدما
انا عندي ساريات وفعلا تكون قطعة واحدة وتكون قطعة البلوزة مخيطة معاها اا قماش التنوة انا اشتريها نفس اللون سادة.وفعلا الخياط يعرف يضبطها. وتكون سهلة باللبس.ملبوس العافية مقدماانا عندي ساريات وفعلا تكون قطعة واحدة وتكون قطعة البلوزة مخيطة معاها اا قماش التنوة انا اشتريها...
انا فصلته قطعتين بلوزه وتنوره فيه تلاقين عن محلات الهنود يجي ساري مخصص للأطفال عاملينه تنوره وبلوزه مو لف عشان الاطفال فا اخذن من حقات الاطفال وديته للخياط يعمل مثله
ماانصحك ابد ابد ابد تسوين كذا انا مجربه طالبه من قبل من تاجره الله يستر عليها ساري ومثل ماقلتي قالت لي نفس الصورة خذيه مو مخيط ووديه أي خياطه تضبطه لك ودفعت قيمه القطعه 750 ريال واخرتها وصلتني مو ذاك الزود القماااش وفعلا وديتها مشغل واخذو علي قيمه الخياط 450 ريال والخياط ماضبط مره وحسيتها تفشل وقطيتها بالدولاب ولا استخدمتها ابد هو قماشها مو ذاك الزود وممكن الخياط ماضبط من القمااش الله اعلم فخذي شي جاااهز افضل لك المجمعات ماقصرو في بدل هنديه تجنن وسعرها اقل من 800 ريال حتي بس الواحد مايحس الا لما ينصااااد بشي واذا مره عاجبتك القطعه وبتاخذيها اشرطي عليها ماتستلميها ولا تدفعين فلوسها الا لما تشوفين القماااش
الصفحة الأخيرة
أنا مادري عن نوعية القطعة الي خذتيها بس في زواجي لبست موديل هندي كان جاي 3 قطع مع بعض وحدة لقميص والثانية لتنورة والثالثة للراس وخيطتهم عند الخياط .