الساقو والعصيده أو دففففففا في هالبرد

السلام عليكم ...................... اشلونكم مع البرد انشاءالله لي سويتوا الطرق العجيبه بتدفون وبتدعون لي:33:
يايبتلكم طريقتين كل وحده أحسن من الثانيه وسامحوني لأني ماعرف أنزل صور بس أحسن لأنكم لو تشوفون الصور بتنقضون على الكمبيوتر:p
بنبتدي :42:
















بالساقو والطريقه صدقوني مضمونه جدا وهي طريقة امي ونفس الشي العصيده وانصح بنات البحرين واللي يروح البحرين يجرب ساقو ماركته ا لفارس الصراحه خيال
المقادير:
-2ونص كوب ساقو ينقع لمدة 10دقايق كفايه/3فناجين سكر/ 2ونص فنجان سكر اضافي /1كاس ماء/نص كوب ماي ورد منقوع فيه زعفران/1م.ص هيل /دهن خالدي تقريبا فنجان /رشه لون الزعفران المعطر للي عندها مب ضروري تضيف شوية كركم
الطريقه:
-يشفشف ال3فناجين سكر على النار حتى يصبح ذهبي ,يضاف له الماء ويحرك حتى يذوب السكر ثم يضاف السكر ال2فنجان ويحرك ثم يضاف الهيل ورشة الكركم ونص مقدار الدهن ويحرك ثم يضاف الساقو بعد تصفيته من الماء ويحرك ويترك حوالي 5دقائق ثم يضاف ماء الورد يغطى وتوضع تحته قطعة حديد لمدة ساعه ويحرك كل فتره بعد مرور نص المده يضاف باقي الدهن (عند التقديم يوضع في صحن ويرش بقليل من الهيل المطحون والزعفران ومكسرات) بالعافيه
الحين العصيده
المقادير:
2كوب طحين يشفشف وينخل/2فنجان سكر/1كاس ماء/نص كوب ماء ورد منقوع فيه زعفران/ زيت عافيه أو اي ماركه لأن الدهن ثقيل ويبس العصيده/1م. ص هيل/2فنجان سكر اضافي
الطريقه:
-بعد نخل الطحين يضاف له ماء حسب ماتحبين ويحرك بسرعه بالسلك حتى لا يتكتل انه ضفت له حوالي 4أكواب ويترك على جنبلازم يكون سايل شوي
-يشفشف ا لسكر حتى يصبح ذهبي ويضاف له كوب الماء ثم السكر الإضافي ويحرك ثم الهيل وماي الورد والزيت
-يرفع عن النار ويضاف الطحين بالتدريج مع التحريك بسرعه ثم يعاد للفرن وتوضع تحته الحديده لمدة 10دقايق يوضع في الصحن ويعدل بقليل من الدهن ويزين بالبيض (3بيضات يخلط معها ملح -فلفل ابيض علشان مايبين-زعفران -هيل-كركم(تحرك في الطابي بسرعه علشان تطلع منتفه وبسس :32:
والله يعينكم على:angry:وعلى:arb:لأنه كل يوم بيقول لكم يبي ساقو وعصيده0000