مرحبا

اخواتي تذكرت اسم حمام الزيت اسمه نخاع الثور

وبالنسبه لج اختي لا تستخدمين الشيقور لبنتج توها صغيره والعمر قدامها باذن الله

وتسالين عن الشيقور يكثف ويطول والله العظيم تجربه شخصيه وابحثي عنه بقوقل يكثف ويزين الشعر ويطول

بس يبيله استمرار ويبيله اهتمام مع الزيوت وبيصير شعرج حلو باذن واحد احد واذا اول شي طاح شوي لا تخافين

والله شعرج بيتسنع باذن الله وتسالين تقولين تقدرين تحطين مرتين بالاسبوع لا يا اختي حطي بس مره بالاسبوع الحنا

اما الزيت كل ما قدرج رب العالمين حطي منه لان الزيت ريحته شوي مو حلوه وانتي متزوجه حطي كم ساعه بغياب زوجج

وغسليه قبل يرجع حاولي كل يوم لكن الحنا ما يصلح كل يوم تخيلي شعرج نبته اهتمي فيها واسقيها مو تهملينها ولا تهتمين بزود

يعني اذا تحطين مرتين بالاسبوع جذي ما تسقين النبته لا تغرقين النبته تعمينها ما تكحلينها لا احلى شي الاعتدال والوسطيه

بكل الامور وبالنسبه لحمام الزيت مثل ما قلت ببداية ردي اسمه نخاع الثور تلقينه بمحلات مستحضرات التجميل علبته مثل الصنفره بس كبيره شوي

واللي داخله كريم يجي للشعر مو للوجه مو عشبه دربالج والزيوت والله ماقدر اوصلهم للمدينه وانا ما ابيعهم ولو اقدر اوصلهم مايسوى سعرهم اوصلهم لج من غير بيع

وعلى فكره بالنسبه لمقادير الزيوت انا اخلط واحد نارجين مع واحد خروع مع واحد جهران مع اثنين كيشور الاحمر

وعلى فكره انا لما اجي اغسل شعري بعد الحنا اغسله زين بماي فقط لا غير ما استخدم شامبو

وماينظف عدل من الحنا ولما اطلع انشف شعري واحط اي زيت انا احط زيت عافيه حق الاكل واخليه كم ساعه

ع الاقل ساعتين واحيانا اخليه يطول بعدين اغسل شعري بشامبو وعلى فكره ما استخدم شامبو معين لشعري

كل مره اغير الشامبو عشان مابي شعري يتعود ع شامبو واحد والشامبو عادي عندي حتى من ابو خمسه ريال

اغسل فيه شعري والحمدلله شعري تمام

اسفه على الاطاله بس والله ودي افيدج

اتمنى اكون جاوبت اسالتج واذا تبين اي شي انا حاضره