السيراميك المطفي أنواع يعني لو كان تعتقه على شكل تشققات وارتفاعات وانخفاضات << حشا موسيراميك هذا صار تضاريس :23:

المهم لوكان كذا يكون بالمرررررررة متعب في تنظيفه ومهما سويتي راح يبان وسخ :11:

فيه أنواع مطفيه بس مافيها ذيك التضاريس تجي حلوة وسهل تنظيفها وشرحه بنفس الوقت >> مصرة على التضاريس :17:

السيراميك اللامع أحس مالأمه داعي إلا تكرمون بالحمامات

البورسلان لمعته خيااااااال وأحسه يصلح كبديل للرخام في الصوالين بس انتبهي تراه يزحلق :22:

وبالنسبة للألوان أحس الموضة البني والبيج والعسلي يعني هذي الألوان :26:

الملكه....
البورسلان فيه لمعة .....وبالنسبه لي احب المطفي اكثر.....
عاشقةالجنان....
ليش ندمتي على المطفي؟؟؟؟؟

انا حاطة مطفي بس فيه نوع من اللمعة بثلاثة احجام مربع صغير ، مربع كبير و مستطيل طالع شكله روووووووووعة

مافيه مجال للمقارنه من طلع السيراميك المطفي بأشكال حلوه وهو مكتسح السسسسسسوق حتى الحمامات الله يعزكم ما صاروا يحطون سيراميك لامع لأن ( اللمعه ) اصبحت قديمه .
وبعدين لازم تعرفين معلومه مهممممه وهي يالغاليه : المساحات الصغيره لا تحطين فيها ألوان غامقه أبداً حتى لو إنها معجتك لأنها راح تكتم المكان وتصغره وتكتمك (ويصير المكان كئييييييب ) وتندميين عشان كذا حطي فيها ألوان فاتحه (بيج ، خربزي ، سكري ، توفي فاااتح....) وراعي ان القطع تكون صغيره عشان تعطي احساس بالإتساع عشان كذا فكرة الشطرنج ما تنفع في هذي الأماكن .
ومن ناحية البورسلان اللامع للصالات والممرات فهو شيء خييييييييييييييييال خاصه إذا صارت القطع كبيره لأنها تعطي امتداد في ا لرؤيه وراحه للعين في الأماكن الوسيعه .
وبصراحه فكرة الشطرنج (حركه ماهيب حلوه مره بس انها جديده وبتروح وتصبح نمط قديم ) فحاولي دائما تبعدين عن الموضه لانها فتره بسيطه وتروح خاصه في البناء .
وهذا رأيي الشخصييييييييي فقطططط ولا اقحمك فيه ابداً ولولا اختلاف الأراء لبارت السلع
وشكراً:26: :26:

السلام عليكم
في الحقيقه أنا في اللمسات الأخيره في الإنتهاء من عمل السيراميك والبورسلان .. بالنسبة لي كنت في حيره من أمري .. وفي الأخير عملت البيت تشكيله من السيراميك والبورسلان ومن الألوان الفاتحه والمتقاربه.. ولكل منهما مميزات ومساوئ..
فمثلا :-
1- السيراميك
مصنوع من مادة طينيه معالجه ومضاف عليها طبقه زجاجيه بحيث تمنع التخد يش وتحافظ على اللمعان. وغالبا سعره ( المتر ) مابين 10 - 45 ريال سعودي. و 98% من إنتاجه لميع.
2- البورسلان
مصنوع من(( للأسف ما أعرف إسم الماده )) .. وتدخل أفران عاليه الحراره وتحت ضغط عالي .. يظهر في قالب واحدة مصبوب ومنه اللميع والمعتق. بالنسبه للميع يمتص السوائل مثل الشاي والتوت وغيرها من المشروبات .. هذا في حالة بقائها فتره من الوقت . واللميع جميل جدا جدا وخصوصا إذا كانت الأرضيه كلها من نفس اللون وبزاويه 45 درجه . وإذا كان اللون بيج فاتح يصبح خرافه.. لأن أي أثاث يوضع على لون البيج يليق عليه.. أما أسعاره فهي بين 35 -290 ريال سعودي تقريبا.
والمعتق منه جيد جدا من حيث مقاومته لإمتصاص السوائل وبألوان وأشكال مختلفه وعيبه على كلام إحدى الأخوات كثرة تضاريسه.وأسعاره بين 10- 100تقريبا
طبعا هذه معلومات ومشاركات بسيطه مني ومن الإخوه الكرام أتمنى أن تكون مفيده لكي
والله الموفق.
أخوك علاوي