انت رجائى @ant_rgay

عضوة نشيطة

السر الى سهل لى امورى

السلام عليكم
حبيباتى صباح الخير فيه سر صغينون اكتشفته اليوم فقلت ما راح ابخل عليكم
انا مثل كل انثى تسعى دايم ان بيتها يكون نضيف واكلها يكون لذيذ واولاده يكونون مرتبين وووووالخ
ودايم ينتهى اليوم وانا الحمد لله قايمه بواجباتى لزوجى وعيالى بس اقصربحق نفسي
يعني دايم احط لى ورد من القران ابي اقراءه وغالبا ما القى وقت واحب اسوى رياضه نفس الشى:time:
واحب اهتم بنفسى واسوى خلطات لجسمى وشعرى:27: ويالله اسرق لى الوقت علشان اقوم بجميع مسؤلياتى
المهم وفى ذلك اليوم الغايم الممطر كان يوم مجهد ومنهك
جلست ثلاث ساعات ادرس ولدي الله يهدي قلبه طبعا بما اننا بغربه وما فيه مدارس عربيه انا ادرسه القراءه
والرياضيات لازم اشرح له وبعد ادرسه القراءه بالانجليزى فكان ماله خلق يدرس ومسكر مخه فعصبت عليه :mad:وحرمته من الاب تب وجلس باقى اليوم طفشان:44:
ادري طولت عليكم بس نجى للزبده الحين
انا قبل ما انام صليت لى ركعتين قريت فيهن ما تيسر وكنت ودي انى قريت وردى من القران بس
التدريس العشاء و:angry::angry:اخذ كل الوقت
وبعد ما خلصت جاء زوجى على غير العاده وجلس معى بتستغربون ليش اقول على غير العاده لانه
هو يدرس دكتوراه ما عنده وقت يجلس معنا
المهم تجاذبنا اطراف الحديث وقالى انه بيشترى لى .............................اشياء ما احب الى تكب العشاء كله
وبعدين نمت وصحيت على المنبه من اول دقه على غير العاده صليت
بعدين قام ولدي الصغير بدون ما اقومه
ثم قام الكبير بعد بدون ما اقومه ماشاء الله تبارك الله والله انى ما ابالغ
جهزتم وراحوا للمدرسه جهزت قهوه زوجى ونمت ثم قمت
رتبت البيت ونضفت المطبخ وطلعت دجاج للعشاء ورحت لسبرماركت قريب على رجولى
شريت بعض الاغراض وشريت سبتتات لبعض اغراض المطبخ وورود مجففه حطيتها بشل حلو لدورات المياه
بعدين جبت وولدى الكبير من المدرسه وكنت حاطه بشعري زيت حطيت له اكل ورحت تروشت ثم طحنت قهوه لان القهوه قاضيه وتبلت الدجاج على السريع
وجيت وبدينا الدراسه بدينا بالرياضيا ت وياربي لك الحمد اليوم يفهم ويحل
ودرسنا القراء والانجليزى بسلام بدون مشاكل ثم قمت ورتبت مكتبه الصاله وقام الصغير نثر الالعاب
يلعب فيها ويوم خلص رجعها لمكانها على غير العاده الا لعبتين بس انا شلتهم

ولقيت وقت اقراء فيه قراءن وجهزت العشاء وكويت ملابس وتعشينا والحين جاء وقت المغرب
انا هنا قعت اتامل انى سويت اغلب الاعمال الى نفسى اسويها وماشاء الله قبل المغرب
الصراهه انجاز انا وش انا مسويه انا داعيه ربى ولا وشو بعدين تذكرت صلاه الليل
قلت اكيد كل هالتسهيل فى امورى منها فقلت اذكر خواتى وحبيباتى الى استفدت منهم الكثير
واسفه على الاطاله بس حبيت تعرفون كل الى صار
يالله لاتنسونى بدعوه حلوه وانه يردنا لاهلنا سالمين وحنا وهم بخيروصحه
وتكفون كل وحده تلاحظ تغير بحياتها بعد صلاه الليل تكتبه هنا علشان نستفيد
اكيد كلنا دايم نصلى بس ما نلاحط التغيرات الى تصير لنا

734

يلزم عليك تسجيل الدخول أولًا لكتابة تعليق.

تسجيل دخول

كشتي حلوة • 14 سنة

الله يسعدك فعلا صلاة الليل فضلها عظيم

ولاتنسين صلاة الضحى

أثووووره • 14 سنة

الله يردكم لوطنكم واهلكم سالمين غانمين
وفعلا قيام الليل فيه راحه كبيره اسأل الله ان يوفقناوإياكي وجميع المسلمين لقيام الليل

*سحرالشرق* • 14 سنة

جزاك الله خيرا على التذكير بقيام الليل
الله يردكم سالمين غانمين**

الماس والقلب حساس • 14 سنة

جزاك الله خير ..

رذاذ الخير • 14 سنة

ما شاء الله تبارك الله .. جزاك ربي خير على التذكير ..

والله كلامك حلو .. وطريقة شرحك رآآآآآآآئعة ما شاء الله تبارك الله .. تحمسين بجد ..

ربي يوفقكم ويرعاكم ويحفظكم ويسهل أموركم في الغربه .. وترجعون يارب سالمين غانميين ..

اللهم آمين ..

أختي بس حبيت أذكرك أنك تصدقين عن نفسك وأهلك كل يوم حتى لو بريال .. الصدقة له آثار كبيرة وأنت راح تلاحظين هذا الشيء بنفسك .. ودايماً استودعي الله نفسك و زوجك وأطفالك ..

ترجعون بالسلامة يارب ..