دايم اسوي الدونات ومعروف الكل يحبها الصغار والكبار دايم نلاقي ان دونات البيت تكون ناشفه ولا ماتنتفخ مضبوط ومن كثر ما اجرب العجينات فيها ضبطت معاي بالعجينه هذي وبصراحة جانها جاهزه طراوة وهشة كل من ذاقها اخذ طريقتها ..
الطريقة بالصور ..
العجينه ..6 كاسات طحين ابيض
4 حبات بيض .. ملعقتين اكل خميره ..
4 ملاعق اكل حليب بودره .. كاس ونص زيت .. 4 حبات بطاط متوسطة مسلوقه ومخلوطة في الخلاط مع كاس ونص موية .. نص كاس سكر .. ملعقة طعام ملح ..حطي المقادير كلها مع بعض واعجنيها بالبطاط المسلوق والمخلوط مع المويه وزيدي مويه دافيه واعجني لين توصلين لشكل العجينه الي بالصوره بصراحه انا ما اقيس كمية المويه الي اضيفها اصب لين اوصل للعجينه الي ابيها
خليها طرية شوي يعني اخف من عجينة الفطاير زي الصورة
غطيها بطبقتين سلوفان وحطيها في الفرن >> الفرن شغليه خمس دقايق وطفيه قيل ماتحطين فيه العجينه
خليها نص ساعه وهذل شكلها بعد ما اختمرت
خذي العجينه وكوريها على حسب حجم الدونات الي تبيه انا خليتها وسط انتبهي لاتعجني العجينه بعد ماتختمر على طول خذي منها قطع وكوريها وبعضها شكلتها اصابع
خذي ملعقة خشب اصغر حجم ورشي عل العجينه طحين بدون ماتحركيها من مكانها واغرسي في وسطها الملعقه ودوري الملعقه لين تتفرغ العجينه مثل الدونات بدون ماتلمسي العجينه بيدك
شكلها قبل القلي اذا خلصتي كل العجين ابدي اقلي بالترتيب اول وحده شكلتيها اقليها اول وحده تكون تخمرت وارتاحت
بعد ما ارتاحت شوفي كيف منتفخه
نسيت ماصورتها قبل ما اغطيها بالشوكولا هنا سويت معاها دونات اصابع غطيتها بالشوكولا الخام بعد ماذوبته في حمام بخار
هنا غطيتها بالسكر المطحون
عساها بالعافيه