السطح ..... سرميك او بلاط

فى البدايه وهو الافضل أن تبدئ بعزل السطح بعازل وأن تكون بشركه متخصصه

ثم أنت مخيره إما التبليط أوالطبطه وهو الارخص إلا أننى أنصحكى عدم وضع السراميك كونه غالى وليس له داعى إلا إدا كانت فلوسك كثيره فقواك الله

هلا بك عزيزتي ام ياسر 1 منوره المنتدى حياك الله معنا

وبالنسبه للعازل يا الغاليه خلصنا منه وحاطين ثلاث عوازل الاول عازل الزفت الحار والثاني عازل المائي رولات والثالث العازل الحراري

اما السرميك مثل ما قلتي انا ودي فيه والشي اللي مانعني ما يخص الحاله الماديه اللي مانعني ان البعض ما يمدحه يقولون بعد فتره يتكسر بسبب تغيرات الجو عندنا وانا محتاره والبعض يقول زين


والحين ما ادري ودي بالقوه وهذا ينطبق على بلاط المزييك وشكله عادي وتقليدي وودي بالسرميك ومتخوفه
وللحين انا بحيرتي
:26:

أهلين فيك أختي ** تفاحة حواء** لكن من رأيي ماله داعي أبدا أبدا أن السطح يكون سيراميك لأن خسارة فلوس على الفاضي لأن أنتي ما راح تستفيدين من جمال بلاطه وفي نفس الوقت ما أحد شايفه.
وأهم شئ في السطح أنه يكون معزول عزل مائي وعزل حراري.
الله يجعله منزل مبارك.

فعلاً لولا اختلاف الأذواق لبارت السلع .. أنا برأيي يعتمد على استخدامك أنت للسطح .. يعني لو حاطة جلسة لكم فوق بالسطح وناوية تعاملينه كحديقة بتزيينه ببعض الديكورات البسيطة الجميلة أو ناوية تستضيفين فيه ناس سواء جلستهم أو تحطين بوفيه العشاء فيه يعني فمن رأيي إن السيراميك أفضل وأجمل بكثيييير ..

أما إن كان السطح بس للعب الأطفال أو إذا البيت مساحته وااااااسعة ومستغنية عن السطح ( عندك حوش كافي فيه حديقة وعندك مكان يجلسون فيه الناس في حالة المناسبات وكمان مكان للعشاء ) فالموزاييك أفضل لأنه أرخص

وبالنسبة للي يقولون السيراميك ما يتحمل طيب مو الحوش سيراميك ؟ بس ترا انتبهي عند الشراء فيه سيراميك أحواش يعني يتحمل الحرارة والموية وكله وفيه سيراميك بنفس النقشات لكن مو حق أحواش وكمان سيراميك الأحواش بتلاقين أنواع شيء يتحمل كفرات السيارات ووزنها وشيء يتحمل المحاليل الكيميائية وهكذا فانتبهي أثناء الاختيار

مرحبا بنات منورين والله

هلا عزيزتي ..........في في
معاك حق اختي بس اشوف الموزاييك شكله مو ذاك الزود وبغض النظر عن الناس بيشوفونه او لا كل شي ببيتي قاعده اسويه اشوف بالاول هل يجوزلي انا وزوجي وبنتي وبعد كذا افكر باللي بيزوروني لاني والله يا بعدي لو افكر بالناس بكل شي ابتعب لانه صعب ارضائهم واذواقهم مختلفه
وحيرتي بوشو ان ودي بالسرميك بس متخوفه انه يخرب بعد فتره واتوهق
ومن ناحيه العوازل لا توصين حريص ابو الشباب مهتم حيل من هالنقطه الضاهر متعقد من شي

وتسلمين حبيبتي والله يبارك بعمرك وعقبال ما اسكن انا وانت كل وحده بقصر بالجنه
:26: :26:

اهلين فيك اختي ام سعود
والله من ناحيه ابحط فيه جلسه ايه لان الحوش عندي مو كبير وناويه احط خيمه شعر فوق مع حديقه بسيطه وافرش انجيله
وهذا بعد اللي محيرني انه لازم يكون البلاط اللي بالسطح قوي عشان الزرع فوق
واما احط عشى او بوفيه على السطح ما اعتقد لانها بتكون جلسه عائليه وركن للشوي اما الضيوف تحت
بس الله يجزاك خير طمنتيني من ناحيه السرميك وشكلي ابتكل على الله واسوي سرميك
وبشوف رايه هو بعد

بس يا ليت ولا عليك امر تقولين لي وشلون اعرف افرق بين السرميك اللي يتحمل كفرات السياره والمحاليل وما بين اللي ما يحتمل وهم بنفس النقشه وهل يعتمد على الصناعه واي صناعه افضل

والله يجزاك خير
:26: :26: