السلام عليكم ورحمة الله وبركاته
كيف حالكم حوائيااات؟ ان شاءالله بخييير يآآآرب
بقولكم القصة من أول...
كنت نايمة بسابع نوومة جاني الجاثوم ويالله تخلصت منه وعاد لي مره ثانية هذيج الليله مانمت زيين فشغلت سورة البقرة من جوالي وحطيت راسي فجأة بين اليقظة والحلم شفت زول حرمة بنت كانت لامة نص شعرها الى ورى كان راسها من الخلف باين والباقي ضباب وكانت نايمة جنب دولابي فجأة قامت وطلعت من باب غرفتي أنا قلت في نفسي شكلها انزعجت من سورة البقرة فراحت..
رديت كملت نومي فجأة سمعت فوق عند سقف غرفتي واحد يمشي بالسطح ويطق بكل قوته ع تحت قصده يزعجني ويمشي رايح وجاي ورايح وجاي وكله ع يمشي عند المكان اللي تحته جدار غرفتي وصوت مشيته قوي ... أنا حسيت انها هذي البنت شكلها عصبت عشانها انطرددت فجذي قامت تمشي بهالطريقة تزعجني
أنا أول يوم عديتها لما أقوم ممن إزعاجها أشغل سورة البقرة واستمع لها وهي تضرب لحد ماتجي الصلاة أروح انحاش تحت واتوضى واصلي وارجع وانطر لحد الساعه 6 عاد اقوم للدوام..
والخدم غرفتهم فوق بالسطح وهي ماينقطع صوتهاالا لما يصحون الخدم تقريبا ع الساعه 6 واذا نزلهم اسألهم تسمعون احد يمشي شفتوا احد بالسطح يقولون لا..
وثاني يوم نفس الحالة والمشكلة الآن الإزعااج مستمر يوميا تعببببببببببببت وربي تعببببببببت ماني قادرة أنام دايم اروح الدوام وعيوني مقفله ... تخيلي الغرفة مظلمة وانتي وحدك بالغرفة وهذه تضرب بكل قوتها اكيد حتحسي بالخوووف وماراح تنامين كله حاطه يدك ع قلبك
وعلمت أمي وصارت تخاف أكثر مني :( ندمت اني علمتهاا
وأنا متأكدة أنها بإذن ماراح توصل لي لأني من شفتها صرت محافظة ع البقرة والأذكاار
الآن اللي أبيه كيييييييف أتخلص من صوت أقدامها وضربهااا؟؟ فكرت ارش السطح ماي وملح بس مافيني شجاعه اصعد :$
و ناوية اروح لغرفة مافيها أحد بعييده شوي عن غرفتي أنام فيها باشوف اذا بيكون فيها ازعاج ولا لا واذا بيرجع الإزعاج بقول لأمي دبر لي غرفة تحت
ايه نسيت من من ساعة ماشفتها صارت تطلع لي حشرة مثل البعوضة تطير جدامي وبعدين تختفي ماادري شنو هالشي؟؟
رجاااء اللي عندها رد يخووف تحتفظ فيه لنفسها ترآآني وحيييدة مااني ناااقصة ...
نفسي أنام الإزعاج هذا ماجاني الا من اسبوع بس الله يعيييييييييييين
ملاذ الكويت @mlath_alkoyt
محررة برونزية
يلزم عليك تسجيل الدخول أولًا لكتابة تعليق.
رددي
اعوذ بكلمات الله التامه من كل شيطان وهامه ومن كل عين لامه
اعوذ بكلمات الله التامه من شر ماخلق
اعوذ بكلمات الله التامه من كل شيطان وهامه ومن كل عين لامه
اعوذ بكلمات الله التامه من شر ماخلق
يممممممممه بسم الله الرحمن الرحيم
والله شي يخوف بس اهم شي حصني نفسك قبل ما تنامين وشغلوا البقره في البيت على طول
والله شي يخوف بس اهم شي حصني نفسك قبل ما تنامين وشغلوا البقره في البيت على طول
ام منيره
•
اخر ايتين من سوره البقره قبل النوم والمعوذات وايه الكرسي ونفثي على جسمك واتوضي قبل النوم اهم شي اقراي ايه الكرسي واخر ايتين من البقره اللي اةلها امن الرسول بما انزل
الصفحة الأخيرة
الله يفرج همك