وحدة من جماعتنا في الرياض متزوجة سوري رغم شدة اخوها وماتوقعت إنه يوافق بس لأنها كبرت وماجاها النصيب فوافق أخوها واسمع والله إنها مبسوطة وزوجها متأقلم مع أهلها الله يوفقها وكمان وحدة من جماعتنا في جدة تزوجت حضرمي ومبسوطة معاه تبارك الله بس الحضارم بشكل عام هم أقرب شيء في طبايعهم لنا وحتى نفس شدة رجالنا وغيرتهم يعني بشكل عام الحضرمي نفس السعودي وبصراحة أنا أقدرهم جدا نسبة التدين والالتزام قوية عندهم ماشاء الله ومن يعرف إن دور التحفيظ في جدة أغلبها قائمة على الحضارم الله يجزاهم خير .
على فكرة أحنا من قبايل الشديدة في المدينة لحد قبل سنوات كان ممنوع منع بات الزواج من خارج القبيلة بس الدنيا تغيرت الآن وسار إنفتاح في هذا الأمر ولله الحمد .

لا تحلفي يا قلبي
عمتي متزوجة أجنبي
تزوجت كبيرة عمرها 29 و عندها اعاقه في رجلها
طبعا وافقو اهلها لأن ماحد يتقدم لها بسبب الاعاقه
و كانو شاكين انه طمعان لأن عندها ورث ووظيفه
والله على ماسمعت انه يرفض أي قرش منها
ومصروف البيت عليه مع ان وضعه على قده وراتبة بسيط جدا
راتبها و فلوسها يقول لها هاذي ملك لكي
لها اربع سنوات متزوجة و سعيدة في حياتها ربي يتمم لها سعادتها



و أعرف وحده سعودية تزوجت عربي
ذلها و بهدلها و شوه سمعتها
وراحت بيت أهلها وقعدت سبع سنوات معلقة كان رافض يطلقها


الدنيا حظوظ و أصابع يدك مو نفس بعضها




عزيزتي صاحبة الموضوع
استخيري و توكلي على الله

وش دعوى؟
اللي تقول الجامعات والمدارس والمستشفيات ؟ من زين المدارس والمستشفيات الحكومية ؟

اذا كان مرتاح ماديا يدخلهم مدارس خاصة والجامعة ممكن يدرسون برا في اي بلد
او حتى بالسعودية الجامعات الخاصة
وحتى الحكومية تقبلهم بشروط

الزمن الان تغير وصار المولود لأم سعودية له حقوق

والزوج اكيد بيكون عايش بالسعودية سواء مولود فيها او بعقد عمل ..يعني مستقر ولا فيه مشكلة


العقبة اللي بتواجهك بعد الاهل هي موافقة الدولة. للأسف الدولة مانعة زواج السعوديين من الاجانب. بس ممكن تلاقي استثناء لبعض الحالات والموضوع يحتاج شغل ووقت وحتى مصاريف

غير كذا, لو كان راعي دين واخلاق ولا هو طامع فيك ماديا او في الجنسية, فليش لأ

اما عن الأهل, لو كان مكتوب لك تتزوجينه بتتزوجين لو اجتمعت الجن والانس على منعك.

اعرف وحدة متزوجة تركي وجابت منه بنت. سئلتها كيف أهلك وافقوا قالت سبحان الله مشيت الأمور بإرادة ربي وماكانت متوقعة ابداااااااا انهم يوافقون. بس النصيب لا جاء مافي شي يرده.


الزمن الان تغير والناس تفتحت وصار الموضوع اهون بكثيييييييير عن زمان اول


استخيري

حان الفراق ايش حكايتها مع السيطره والتأمر يعني لو عشتي حاله او احد قريب عاشها فلا تععممي



صاحبه الموضوع اتبعي سنه الرسول عليه الصلاه والسلام الخلق والدين واسسسستخيري فقط لان الموضوع حيصير ميه صفحه وماحيتفقو على رئي تحولو الى مجلس تعاون العنصريات المعقدات بيقولولك لا وبعضهم يقولو اي والي مجربه تقولك اي استخيري ربك يابنت الحلال

صاحبة الموضوع الله يوفقك ويسعدك بالي ربي يكتبه لك خير وسند لك ويكون لك زواج دنيا واخره

طبعا كثير اختلافات بالرائي والتعليقات الراقي وغير الراقي بالرد
وكل وحده بتلقا جزها على كل كلمه طبعا اذا كانت خير او شر

انا يمنيه وعايشه بالسعوديه واعشقها واعشق ترابها لاني من مواليدها ونفس الشي اكيد احب بلدي ولا عندي جنسيه ولا فكر احد يدور عليها عشان كدا مابرد على اي رد يجرح اي جنسيه احترامكم واجب علي

تعليقي بسييط جدا كلمه ( اجنبي )
المفترض والاصح انها تنقال للجنسيات الاروبيه الغربيه الخ ...

اما الي يقول سعودي والجنسيات التانيه اجنبي باي قاموس واي اطلس خلو السعودي بس لحااااااله عربي والباقي اجانب

السعودي والمصري ودول الشام كلها واليمن كلهم

( عـــــــــــــــــــــــــــــــــــــــــــــــــــــــــــــــــــــــــــــــــــرب )يعني يقال لهم ( عــــــــــــــــــــــــــــــــــــــــربي )

مع كل احترامي وتقدير لصاحبة الموضوع ربي يفتحها بوجهك ويسهل لك دربك لا تفكري لا باولاد ولا شي فكري انتي كيف بتعيشي ووين بتكوني سعيده على سعادتك بتلقي السعاده لعيالك فعلا معاملة اولادك بتكون مثل السعودين بكل شي دراسه ومستشفى ابدا مو مشكله عشان تفكري فيها استخيري و فكري باخلاقه ودينه وشغله واهله ربي يسهل امورك