ام عيالي22 :

بلاش اشاعات ياصاحبه الموضوع مو معقوله كل ماسمعنا خبر جينا درعمنا نكتب وين التروي وين المصداقيه لا ماراح ينلغي ولو انلغى وطلع كلامك صح لو الي تبين ياناس خليكم اكبر من تصديق الاشاعات مو معقوله حريم كبار امهات وتصدقون وين عقولكم ماتميزون لو في خبر زي كذا كان لقيتوه بالاخبار والى بالصحف الموثوقه بس ياعالم اشاعه وربي كرهنا عمرنا منكم والله بامكاني اكتب اي اشاعه واصيغها زي مابي واخليكم تصدقونها واجلس اضحك من خلف الشاشات اخواتي انتم اكبر من تصدقون اي اشاعه تكتب هنا النت عالم مفتوح في المذاهب كلها وفي الجاهل والعالم وفي المحب لوطنه وفي الحاقد على وطنه يعني كيف تضمنون الي تكتب لكم من اي فىئه لا اقصد صاحبه الموضوع انا اتكلم عامي وين عقولكم ياحريم ليش ماتفكرون قبل هذا صدق هذا كذب للمعلوميه والله يشهد انا انا مكلمه صديقه لي تشتغل موظفه بحافز سالتها عن موضوع الاخت الي ينلغي حافز قالت اشاعه حسبي الله على من يطلع الاشاعات وينشرها حسبي الله عليه وانتم اسهل فريسه تاخذون وتنشرون بدون ماتتاكدون

بلاش اشاعات ياصاحبه الموضوع مو معقوله كل ماسمعنا خبر جينا درعمنا نكتب وين التروي وين المصداقيه ...

دانية الرياض :

والله حرام عليكم التحريض على الوطن كذا ترى هذا من الفتنة اللي حذر منها الرسول وبالنسبة للي يطالب ببيوت ملك وسيارات ترى الدولة ماتعطي لأحد وهو جالس بالبيت وش فايدة اللي يشتغل واللي مايشتغل ولاتحسبون اني بنت عز لا والله عشت فقر محد عاشه بس لأن ابوي ماكان يشتغل الحين كبرت وتوظفت وعزيت نفسي لكن انتو تتشرطون تبون وظيفة ساعتين وراتب عشر الاف اول ماتوظفت راتبي 1700 ودوامي 9 ساعات وحتى يوم الخميس اداوم وقطاع خاص والحين الحمدلله طورت من نفسي وحبة حبة ربي فتحها علي الله يقول اسعى ياعبدي وأنا اسعى معاك والواحد مايتكبر عالوظايف الرسول كان راعي غنم واغلب اللي يطالبون بحافز يبونه للفشخرة اللي شرت ايفون واللي شرت ايبادة انا اقلت الأغلب مو الكل واللي يبي الرفاهية هذي لايعتمد على صدقات حافز يشد حيله ويتوظف صح بالبداية ماراح تكون وظيفة كويسة بس الانسان يبي نفسه حبة حبة وعلى فكرة ترى عندي اخوان عاطلين لكن كل واحد يروح يبحث عن رزقه وعاطلين ورفضهم حافز بعد عشان لاتحسبوني مرفههة لكن الشعب اتكالي يبي كل شيء وهو جالس وبالنسبة للمساعدات اللي تقدم للدول هذي شيء اجباري عشان المملكة عضوة في التجارة العالمية وصندوق النقد الدولي ومن شروطها تقديم مساعدات للدول الفقيرة والسعودية برضو مستفيدة اجل كيف تدخل لها السيارات والصناعات الثانية احمدو ربكم وشمرو عن ايديكم ودورو اي وظيفة

والله حرام عليكم التحريض على الوطن كذا ترى هذا من الفتنة اللي حذر منها الرسول وبالنسبة للي...