السعودية محتاجة متروا وليس شركات توصيل واستغلال!🥱👎

مع احترامي للجميع مشاهير او غير مشاهير
لكن المسؤلين في البلد مو منتظرين احد يعلمهم شغلهم او يفكر نيابة عنهم
واكيد ما تم تعينهم بهذا المكان الا لان القياده تشوف فيهم الامكانيات والقدره على العمل والانجاز وعمل المناسب
ما تجي وحده متربعه في بيتها مشهوره او غير مشهوره وتقول يلا اعملو ميترو ومدري ايش بجهل
لان كل بلد له طبيعته وثقافته واحتياجاته
البلدان اللي مثل دول الخليج الغالبيه فيها يمتلكون سيارات ويعتمدون عليها كشيء اساسي بالحياه ما يتقارنون بدول ثانيه يشوفون ان امتلاك سياره ليست ضروره وطبيعتهم وثقافتهم تسمح ان الشخص حتى يعتمد على دراجه مو بس ميترو
والمسؤلين مو مقصرين قاعدين يشتغلون وترى المشاريع الضخمه مو في يوم ولا يومين تخلص وتصير جاهزه للاستخدام
ومن كم يوم كنت اقرأ بتويتر نقاش عن موضوع الميترو والزحمه وفي اكثر من شخص قالو ان الميترو يحتاج تكلفه ضخمه للتشغيل والصيانه مو لعبه

المترو موجود في مرحلته النهائيه.
وشركة النقل اشتغلت باصات كبيره فخمه مغطيه جميع أحياء الرياض وبأسعار رمزيه
لكن الزحمه مشكله عالميه في كل أنحاء العالم مالها حل جذري أبد.

خلصتي من النرجسي والنرجسية
لفيتي ع السعودية والمترو ؟
ما شاء الله كل بيت في ٤ و ٥ و ٦ سيارات و يمكن اكثر ع حسب اعداد الأسرة اللي يسوقون
المترو اذا نحتاجه بس عشان التقليل من الزحمه
مثل الباصات نفس الشي تشيل أكبر عدد للتقليل من الزحمه
ركبته كم مره للتجربة وعجبني خاصه بالشتاء بس اللي مستفيد منه أكثر شي الجنسية العربية والغير عربية
و كمان ماصار احد يدفع و صارت اعداد كبيرة فيه
برمضان ركبت واحد ما شاء الله كان فل مع انه الساعه ٢ في الليل بس الاغلبية كانوا عمال وكان فيه عائلتين من جنسية عربية

ماقريت موضوعك الصراحة
رديت ع حسب العنوان اعذريني

وش له مترو وزحمة واحد راكب واحد نازل لو محتاجة مشوار مهم وموعد مستشفى متى بتوصلي يالله فكرو بشكل عميق

فكرة عادية جدًا بالنسبة للسعودية ليه محسستنا ان الفكرة جدًا مهمة وان من دونها احنا ضايعين !!
المشاهير مالهم رأي على رأي المسؤولين في السعوديه هم عارفين ودارسين الموضوع مو محتاجين احد يتكلم
يوجد مترو باماكنها المناسبه والمخصصة
في السعودية

ليه الناس تحتاج مترو وفيه سيارات توصيل وباصات ؟؟
لوفيه سياره واحد يوصل بسعر مناسب ليه احتاج مترو ؟؟
حتى المترو يحتاج بطاقه وفلوس وين الميزه فيه

بالنهاية كل من واختياره الشركات ماتجري ورا الناس عشان يختاروها

شكلك ياراعية الحساب مافكرتي زين تحسبي😂 المترو نفس في المسلسلات الكوريه ولا اليابانيه لما يصوروها وفيها كم شخص ، ناسيه انه باوقات الذروة تكون فل زحمة