اولا / السلام عليكم ورحمة الله وبركاته
ثانيا / ابين لكم اعجابي بالمنتدى وبجميع الاخوات وتجابهم ونصائحهم
ثالثا/ اريد ان اكتب لكم عن تجربتي اطلب العون من الله اولا ثم منكم بتجاربكم ونصائحكم في مشكلتي
بداية انا متزوجة من 4 سنوات وعندي طفله مشكلتي مع زوجي السهر الليلي (( في القهوه)) لايتركه الا اذا كان قادم من سفر او مريض جدا جدا :icon33:
اوضح لكم عدة نقاط
-صدمني ليلة الزواج يعترف بانه يشيش (مع عدم علم اهلي بذلك ) ووعود للتخلص من هذه العادة السيئة في وقت بسيط يعني سنه / سنتين واصبري معايه
-السهر من ثاني ليلة في الزواج وهو يسهر بس مايطول كان حق راس يعني ساعة
- كان في فترة السنة الاولى يخرج الى القهوه ثلاث مرات يوميا يشيش
-صار بيني وبينه عدة مواقف على هذا الامر طبعا انا بحثت عن سبب خروجه ( عادة عزوبية /الشيشة / الدش )
-طلبت منه يقلبها دخان اذا ماكان يخرجه الا للشيشة ويدخل الدش في المنزل اذاهذا السبب لان القهوه من راي مايجلس فيها الا كل انسان ماهو زين او محترم نفسه غير اصحاب السوء وحثالة المجتمع هذا مكانهم استجاب للدخان وقلبها دخان والدش رفض والخروج مستمر مع تغير اصبح مره وحدة
- غير مرتبط اسريا بالعلاقات الاجتماعية حتى المناسبات الضرورية جدا نروح او يروح هو نتعشى وعلى طول يرجعنا البيت ويطلع الى وقت متاخر واذا كان عند اهلي مناسبة يتعشى ويخلني اسهر عندهم ويروح هو ولايجلس ولايسهر ليلةمعهم ابدا هذا الوقت له خصوصيته
-مليتتتتتتتتتتت كل يوم كان عنده دوام ليلي مافي احترام لمشاعري او انه رب اسرة بكره يشوفونه عياله قدوة
-جو المنزل روتين ممل يرجع من الدوام على الساعة2.5ينام ويتغداء العصر ويروح عند اهله شوي لانهم في الشقة المقابلة اويطلع مشوار يجيب اغراض وبعد المغرب على التلفزيون الرياضية وبعد صلاة العشاء طبعا من النظام مافي عشاء اكله خفيف جدا وجبه وحده كفاية يلبس ويخرج كل ليلة من الساعة 8مساء الى12.00/1.00
واذا خرجنا يحاول تكون العصرية ممكن الى بعد المغرب اهم شيء بعد العشاء يكون فين :confused: المهم حتى الان طلعات ماعد فيه زي اول هوماعد يخرج زي اول وانا كرهت خرجه بهذا الاسلوب مع مراعاة ان سفراته كثيرة خميس وجمعه ومره اسبوع وفي الصيف يسافر دولي اسبوعين وانا عند اهلي انت لا والان مسافر هذا الاسبوع واختلفنا انه كان واعدني ان بنروح معه وبعدها يقول لا زميلي وزعلت ويقول ليه تزعلين انا على كيفي وانا بربيك والرومانسية تختصص بالمواضيع الخاصة مافيه رسائل حب ولا هدايا ولا مشاعر
--اكيد من الاخوات تقول حاولتي تجذبينه قدر مامكنني الله احاول بالدعاء اولا/ بالاهتمام به منحيث النظافة والشكل واللبس /برسالة مكتوبة تعبر عن ما في نفسي / بمسجات بدون استجابه اورد/ اطلب منه بكل ود ليلة وحده في الاسبوع لي ولبنتي مافيه امل / اترجى حضرته عندالباب وهو خارج يقول لا تسوين زي الاطفال /يقول انا طول النهار ماخرجت وفي الساعتين هذي اتسوين مشكلة
-والله لواكتب الصفحات ماعبرت عما فعلت من اجل انه يجلس بالكلمة الحلوة والاسلوب الجيد والشين والزعل والرضى
المهم في الاخير انــــــــــــــــا تعبت نفسيا من هذا الموضوع اختلفاً اخيرا وقال لي اذا رضيت بالوضع ( السهر / السفر ولاتعترضين) ولا مع السلامة انا ماجبرتك تجلسين معي
طبعا هومسافر الان وبيرجع بعد يومين اتمنى تدلوني على مخرج وطريقة في التعامل معه ولا ازعل عند اهلي مع اانه عنيد :02: ويا ترى هل انا طلبت اكثر من حقي تكفووووووووووون ساعدوني بنصائحكم
مبروك الحب @mbrok_alhb
عضوة جديدة
يلزم عليك تسجيل الدخول أولًا لكتابة تعليق.
شوكلاته جالكسي
•
الله يعينك00
صدقيني كل اللي يدخنون خصوصا الشيشه كذا طبعهم
لانها اللي يطيح فيها ما يجيه روقان لين يشيش عشان كذا ما يرتاح في الطلعات لحد ما يروح للقهوووه
للذلك عزيزتي الغاليه خليك ذكيه واكسبيه بطرق ثانيه اذا عندكم سطوح والا غرفه خاارجيه خليه يجيب الشيشه فيها يصير في البيت وربي من تجارب كثير اعرفهم لما صار زوجها يشيش في البيت قدرت تغير نظامه صار مثلا يشيش المغرب والليل يسهر معها او يطلعون برى لكن القهاوي هي البلاء تخرب الواحد وتخلي ماله خلق في اهل بيته
واما يتركها للابد فهذا يبي له صبر بس يا عيوني انتي شوفي ايجابيته قبل سلبياته
صارحيه بالي مضايقك وطبعا وهو مرتاح واقترحي له حلول تريحكم الاثنين
والله يوفقك يا قلبي ويهديه لك ويخلي بنتك لك
بالتوفيق
لانها اللي يطيح فيها ما يجيه روقان لين يشيش عشان كذا ما يرتاح في الطلعات لحد ما يروح للقهوووه
للذلك عزيزتي الغاليه خليك ذكيه واكسبيه بطرق ثانيه اذا عندكم سطوح والا غرفه خاارجيه خليه يجيب الشيشه فيها يصير في البيت وربي من تجارب كثير اعرفهم لما صار زوجها يشيش في البيت قدرت تغير نظامه صار مثلا يشيش المغرب والليل يسهر معها او يطلعون برى لكن القهاوي هي البلاء تخرب الواحد وتخلي ماله خلق في اهل بيته
واما يتركها للابد فهذا يبي له صبر بس يا عيوني انتي شوفي ايجابيته قبل سلبياته
صارحيه بالي مضايقك وطبعا وهو مرتاح واقترحي له حلول تريحكم الاثنين
والله يوفقك يا قلبي ويهديه لك ويخلي بنتك لك
بالتوفيق
عن تجربه اقول لك طنشيه واستمتعي في الوقت اللي يكون فيه طالع وحسسيه انك تنبسطين اذا طلع تلقين وقت لنفسك واذا تاخر ما طلع قولي له ما انت طالع اليوم خليه يحس انك تعودت على غيابه وصرت تفضلينه ذاك الوقت يصير ينهبل يبي يحس انك تبينه فيصير يقعد في البيت
بي المشكله انك تصيرين صدق تعدت على طلعته وما عاد تبسطين اذا قعد
بي المشكله انك تصيرين صدق تعدت على طلعته وما عاد تبسطين اذا قعد
الصفحة الأخيرة