مشكورين بنات على الرد
مشكورة اخت حنان وطبعا ماافكر في اندونيسيا حتى لو ماكان فيها مرض السارس اما صلالة فهي تنفع العطلة week endوموب عطلة طويلة شهر او شهر ونصف

اخت شهد مشكووورة وايد وايد وفكرة حلوة النمسا وخصوصا هي يقولون عنها جنة الدنيا واقتراح مش بطال

مشكورة اخت ام شيوخة وبسافر وبرجع غصبن عنج شو قاعدة على قلبج!!!!!

حبيبتي ام ميثة اف عليش لو ماعندك للسفر ترى احنا حاضرين والله !

حبيبتي كاجو مشكورة على الفكرة ولكن مثل مقلتي زوجي انا ايضا رايح للتشيك وهو من النوع الذي لا يحب ان يكرر الدولة اللي يروحها وقد سافرنا مو السنة الماضية اللي قبلها .
ام بخصوص تركيا فكانت سفرتنا العام الماضي وهي جداً حلوه وبدوي اروحها مرة اخرى ولكن زوجي !!!
وذهبنا الى اسطنبول وقعدنا في تقسيم هوتيل وهي منطقة صايرة في وسط السوق وفيها حركة وذهبنا في شهر سبتمبر وكان الجو رائع موبرد ولا حر
وطبعا لا تفوتكم الحمامات في يلووا ومنطقة البورصة جدا جميلة ولو اردت تفاصيل ممكن اساعدك فيه
والمميز في تركيا وين ماتروحي تجدين مساجد للصلاة وتسمعين الاذان ولو ان مافي الا القلة يصلون مع هذا تعرفي وقت الصلاة من الاذان ومايروح عليك الوقت .
اما للحريم وذبحيهم على شيء اسمه السوق فهو ممتاز هناك وتاخذين راحتك في الشراء

ياليت ياخت
zeeze
ترسلين لي تفاصيل رحلتكم على الخاص الله لايهينك
وهم شي عندي الحجاب هل حصل لك مضايقات بسببه ؟؟؟؟
وزي ماقلت طبعا الاسواق,لان الصراحه رحلة التشيك رجعت و ما شريت شي و الى الان مقهوره .

انا محتارة بين القاهرة او سوريا لان اوروبا صعبة بعد ها الارهاب اللة يستر

هاي بنات انا بصراح في سكوتلند جنة بريطانيا انزين و صلاله حلوه مش بس ويكند زي ما قالت الاخت شوفي صلاله حلوه اذا حج المناظر الطبيعيه و الراحه و الاستجمام بس سوق ما سوق يعني ...وناسها طيبين وعاداتهم متمسكين فيها الكل مبرقع ما تشوفين وحده ما تغطي و جهها الااذا كانت مب من هالمنطقه و فيه عندهم سوق الحافه اقدم سوق للعطاره كل شئ فيه و يديرونه اهل البلد نفسه و يا سلام على بخورهم يهوس بس لا تاخدين من عند الهنود من عند الحريم و عندهم المبخره مميزه مصنوعه من الصلصال خذي منها هدايا شكلها جميل ومعروف عندهم الاشياء القديمه متوفره و لايفوتك اذا فيه عرس عادي روحي و شوفي هم اعراسهم مفتوحه للنساء فقط يجننوا بنات صلاله روايح عمري ما شميتها في اي مكان بالعالم و معروفين بهالشئ و لا تنسي اكلاتهم المميزه و جربي انواع الكعك عندهم اسالي بس وكل الناس تساعدك.باي:26: :26: :26:

انا زرت بلدان كثيره سواء من اوربا ولا البلدان العربيه بس بصراحه مثل باريس ماشفت صج بلاد ونيسه
وبعدين باريس مش مثل لندن اذا غربت الشمس ردو الناس بيوتهم لا .......في باريس كأنج عايشه في دوله عربيه وبعض المحلات اتم فاتحه لين الساعه 1 بالليل تخيلي وناسه وكل الناس يتمشون بالليل عادي ...........والسوق في باريس لايعلى عليه ولو بتكلم عن باريس من الحين لين بكره ماراح اوفيها حقها