السفر الى بيروت

حتى أنا ناويه لبنان
رفع للأهميه

رفع

هلا عزيزتي

رحت للبنان وعجبتني السياحه عندهم روووقان

بالنسبه للاسواق الشعبيه مااعرف لاني مارحت لها

فيه عندهم مول abc الاشرفيه صغير _ وفيه محلات بالسوليدير

وبالنسبه للمطاعم عندك
مطعم منير ررروعه ب جونيه
ومطعم لوكاندا ب جبيل
ومطعم برج الحمام بفندق الموفنبيك
ممممم

وسلااامتك

اي استفسار انا بالخدمه

هلا حبيبتي
الجو هلأ ربيعي لو احبة تجي جيبي معيك لبس ربيعي صيفي
بالنسبة للمولات ما في مولات شعبية بس رح اعطيكي اسم كم سوق رح تشكريني علين عنديك سوق مارالياس حلو وفيه اشياء روعة واسعارن حلوة وسوق فرن الشباك كمان وسوق الحمرا وسوق بربور لا يفوتيك وعنديك البايروت مول والستي مول وال abc مول واسواق الزلقا والكسليك وسوق فرن الشباك وسوق صيدا وسوق جبيل سوق السوليدير كلو ماركات
ولو بديك برنامج سياحي تفضلي هيدا جدول ل 5 ايام

- اليوم الاول زيارة مغارة جعيتا والتلفريك ومتحف المشاهير وبعدا جونيه والغدى بمطعم مانويلا او مخلوف وبعدين فيكن تروحوا على اسواق الزلقا والكسليك او زيارة الستي مول او ال ABC مول عشية بما انكم ببيروت فيكن تنزلوا على بيروت سوق بالسوليدير .


- اليوم التاني زيارة الشوف قلعة موسى وبيت الدين وبعدين بتطلعوا على الباروك ومنها لو بتحبوا تمروا على بحمدون وعاليه رح يكون بس مرور الكرام لأنو بوقتا بيكون كل شي مسكر ببحمدون وعاليه او فيكن تروحوا بدل عاليه وبحمدون على جزين في شلالات جزين في هونيك نبع اسمو نبع مرشد مطعم نبع مرشد حلو وفيه شلال


- اليوم الثالث زيارة جبيل قلعة جبيل البحرية والسوق العتيق ولو بتحبوا فيكن تعملوا جولة بحرية بالقارب والغدى بيكون بمطعم لوكندا بجبيل ولو حابة تعمل شوبينغ عندك عدة اسواق ببيروت متل سوق فردان وسوق مارالياس وسوق فرن الشباك وسوق الحمرا وسوق برج حمود ...


- اليوم الرابع زيارة صيدا القلعة البحريةوكمان تتمشوا على كورنيش صيدا وتقعدوا بشي كافيه او تتسوقوا من سوق صيدا وتتغدووا بمطعم الحان بصيدا وكمان فيكن تعملوا جولة بالقارب بالبحر كمان في مدينة ملاهي صيدا لو بتحبوا تزوروها ولو بديك فيكي تكملي على جزين في شلالات جزين وفي مطعم اسمو نبع مرشد كتير حلو


- اليوم الخامس: فيكن تطلعوا على الشمال بحيرة عين السمك ولو بدكن تروحوا على طرابلس في سوق طرابلس وكمان جيبوا حلويات من عند الحلاب بطرابلس .في خيار تاني لو بدكن فيكن تزوروا قلعة بعلبك وزحلة


وفي خيار تالت فيكن تطلعوا على برمانا تتغدوا هونيك بمطعم فخرالدين او مطعم الجنة او برج الحمام الخيارات كتيرة وعشية بتنزلوا على بيروت عالروشة على كورنيش الروشة ولو بدك تاخدوا حلو معكن عندك حلويات البابا او امل بحصلي او الحلاب ...

ولو حابين تاخدو سواق رح ارسليك عالخاص رقم شخص جداً ثقة وعامل برنامج سياحي حلو وكمان محترم وأمين

ااااااااااااااااهــ على ليالي بيروت