&ام نــــــايف& @ampam_nayfamp

عضوة نشيطة

السفر بالشهور الأخيــــــره ..ساعدوني

السلام عليكم ..

بنات انا لسى بالأسبوع السابع من الحمــــــــل..بس بحكم ان مغتربه ..وحامل في الغربه ..

شايله هم من الآن ...طبعاً غير هم الولاده الله يسهل ..على كل حامل:09:
وهو سفري للسعوديـــــــــــــــه ..بكون بداية الشهر السابع..

يعني سفر من هنا للسعوديه مدتها تقريباً 14 سااااااااااااااعه مده طويله وانا من الحين خايفه من ضغط الطياره والمطبات واخاف يجيني نزيف او ولاده مبكره ..

مع العلم ان الحيين ينزل مني دم خفيف ماادري وش السبب رحت الدكتوره قالت النبض موجود وكل شي سليم .. والحمــــــدلله

بس من كثر مااقرا ان سبب نزول الدم هو نزول المشيمه ..فخفت وصرت اهوجس..واقول وانا الحيين على الآرض ..صار لي كذا ..بكرى لا سافرت اخاف يصير لي ..شي ..

المهم تكلمت كثير اللي ابي اوصله هو ..هل السفر بالشهر السابع عادي ولمده طوييله :44:

واحد صارت له كذا ..انا سألت الدكتوره وقالت عادي فيه ناس يجون من برى عشان يولدون هنا وهم بالشهر الأخير..

بسر انااللي اعرفه السفر بالشهور الأخيره خطيـــــــــــر ومااقتنعت من كلام الدكتوره :(

طمنونني اللي مجربه السفر بالشهور الأخيره ولا صار لها شي تجي تقول لي..والله يجزاها عني الف خير ..ويرزقها ماتتمنااه ..:26:

442

يلزم عليك تسجيل الدخول أولًا لكتابة تعليق.

تسجيل دخول

&المبدعة& • 15 سنة

اسئلي الدكتوره هي اللي بتقولك اذا عادي تسافرين ولا لا
يعني كل وحده على حسب حالتها
والله يتتم لك حملك على خير

أم نسيبه • 15 سنة

قبل ماتحجزين راجعي عن الدكتوره واطمني على وضعك
صديقتي جات استراليا في السابع والرحله 16 ساعه وترانزيت دبي ساعتين وماليزيا 7 ساعات
وماشاء الله تبارك الله ولدت هنا

فروحه القطوه • 15 سنة

حبيبتي سؤالي هل بتروحين وترجعين لامريكا ثاني اذا ايه بقولك بصرررررررررراحه مرررره صعبه انا جربتها وانا بالخامس يوم وصلت للسعوديه نزل علي شوي من مويه الراس والله مت من الخوف ورجعت وانا بالسابع بس والله تفككت عضامي خاصتا ان بعد فيه رحلات داخليه بس اذا بتروحين بدون رجعه على الاقل اهون شوي

والله ياقلبي اولا استخيري ربك وبعدين الدم الي ينزل منك غريب ليشششششش؟

والله مدري وش اقولك بس اسالي الطبيبه عن وضع الطفل ووضع المشيمه

والله ييسر لك امورك يارب

&ام نــــــايف& • 15 سنة

بناااااااااات الله يجزاكم الف الف خيــــــــــــــر..

فروحه القطوه والله سفرتنا رووحه بدون رجعه لأمريـــــكـا...يعني خلصنا الأنتداب..

والله المشكله بعد ان فيه رحلات داخليه بعد الدولييه ..الله يعين بس ...

وبالنسبه للدم سألتهــا والله وتقول نزول الدم عادي..يوم يوميين وينقطع بس انا ماانقطع للآن ..يعني هو خفيف مره وهي كشفت على الجنيين بالسونار قالت النبض وجود وكل شي سليم واعدتني بعد اسبوعيــــــــــــن ..والله يكتب اللي فيه الخيـر,,

والله يخلييلك عبود ويحفظه لك ..ويرزقك بالطفل المعافى ...

beauty eyes • 15 سنة

بصراحه رحلتكك طويله لازم تشوفك الدكتوره

وتوكلي ع الله

انا سافرت بنهاية الثامن بس داخليه والحمد لله عوافي