السفر بعد الولاده

السلام عليكم
اختي نعناع حبق اذ كنتي سعوديه لازم تسوي بطاقة مرور لابنك او بنتك فتكلمي السفاره وترسلي الاوراق وصور للبيبي وما تاخد اكثر من اسبوعين , واذا عن الجواز الامريكي هم ما يطول بس اذا حبيتي بوقت قصير تدفعي اكثر .
والطائره مافيها خطر على البيبي بس اول ما تقلع واول ما تهبط الطائره رضعي البيبي عشان الضغط , واختي حاولي تسافري بعد الاربعين افضل لك وللبيبي
الله يقومك بالسلامه ويرجعك سالمه ..

هلا اختي الغاليه نعانع حبق
بالنسبة لموضوعك اولا انهي اجراءات جواز السفر الامريكي اعتقد انه ينتهي في اسبوعين ويرسل عليك في البريد واعتقد انك تدفعين مبلغ مايتجاوز 75 $لابد من تجهيز الصور للمولود ومهم حضورك عند الجوازات من اجل ان يسؤلوك عن الموافقه في ان تستخرجين الجواز الامريكي ويحتاجون اعتقد صوره من جواز سفرك وجواز سفر زوجك
ثانيا ابلغي الملحقيه وارسلي نفس الشئ صورة من جواز سفرك وجواز سفر زوجك والملحقيه تطلب 4 صور للطفل علشان شئ منها يوضع في الملف ومن ثم سوف يرسلون لك شهادة ميلاد مؤقته وتأخذ الاجراءات الى 13 يوم وتعتبر وثيقه مرور سعوديه وتكملين الاجراءات تصديقها من وزارة الخارجيه السعوديه ومن ثم تستخرجين جواز سعودي بموجبها
وبالنسبة لخطر الطائرة على المولود الله يحميه لك من كل مكروة ما عليك سواء سد فتحة اذانه بقطن وعند الهبوط والاقلاع ضعيه في حضنك ورضعيه واقرئي عليه الورد وعلى نفسك واهتمي بلبسك زين زين لان برد الطائرة يدخل في العظم والبسي اكرمك الله البنطلون تحت ملابسك حتى لاتمرضين وتندين لاسمح الله وقتها ما ينفع الندم انصحك لوجه الله اهتمي بلبس البنطلون القطني تحت ملابسك حتى ولو كان صيف موت الطائرة قطعة جليد ودفي البيبي مهم جدا
وان شاء الله نسمع عنك اخبار حلوة وبشرينا بولادتك
واي سؤال اختك المتفائلة حاضرة

اختي ما مشاكل ولاشئ انا سافرت بعد ما خلصت اسبوعين لاكن تنتبهين تدفين البيبي زيين وانتي ادفي و حاولي توصلين المطار بدري عشان تمشين بشوي شوي لاتسوين مثلي اتاخرنا ولو تشوفين عشان نلحق هو يركض وانا اهرول ماوصلت البلاد الا وانا ميته تعب :09: لاكن للضروف احكام والحمد لله ...

طيب بسأل .. هل الطفل يحتاج فيزا حتى لو مولود في امريكا؟؟؟ يا ريت تجاوبوني؟؟

شكرا اختي نعناع حبق على طرح الموضوع..

sugar
هلا اختي الحبيبه بالنسبة للطفل المولود في امريكا لايحتاج فيزا لانه يعتبر مواطن امريكي واذا رحتي السفارة علشان تجددين الفيزا فقط يسألونك عندك اطفال يحملون الجنسيه الامريكيه , فقط سوال انا طلعت فيزا لي اما ولدي وبنتي ما طلعت فيزا خلاص معهم الجواز الامريكي وعند الحضور الى المطار في الرياض حين العودة الى امريكا يسألونك الجوازات عن فيزا للطفل او الولد او البنت تقولين عنده جواز امريكي ومن ثم يلقي عليه نظرة وخلاص.
ان شاء الله اكون وضحت لك المقصود واعذريني على الاطاله وحدة ثرثارة هههههههههههه :D