السفر للعمره بالباص النقل الجماعي

أماني القحطاني :

اي والله متعب خاصة الخط طويل والكراسي مو مريحة حاولي تنزلي بطياره واذا ماتقدر الا بباص انزلي من دون عيالك لان الخط طويل غير انكم توقفون كل شوي عند محطه اطفالك اذا اقل من ٥ لاتاخذيهم حطيهم عند قرايبك... وعبي لك شنطة بملابسك واغراض الشور ومناديل.... وكريمات.... وخذي معاك شنطة صغيره تحطي فيها الاكل.. بساكيت ومويه وعصيرات...

اي والله متعب خاصة الخط طويل والكراسي مو مريحة حاولي تنزلي بطياره واذا ماتقدر الا بباص انزلي من...

عواطف تركي :

صحيح الطريق طويل ومرهق تمرين على عدة مناطق وكل كم ساعه يوقف في محطه او استراحه للصلاه ودخول دورات المياه يوقف نص ساعه او ساعه وبعضهم يكونون متكفلين بالاكل اول ماتخلصون صلاه يفرشون جنب الباص للرجال والنساء كلن في جنب ويكون الاكل جاهز صواني مندي او مضغوط اي شي هو يكون متفق مع مطعم او طباخ وتاكلون وتعينون خير ثم تمشون اما اذا مافي اكل يادوب تصلون وانتو تشترون لانفسكم واثناء التوقف بالمره تقومين تطلقين رجولك وتتحركين بتحسين بشعور المولود اللي يلفونه ثم يفكونه ويتمغط 😂 واذا معك اطفال جيبي لهم العاب تلهيهم وبساكيت وشبسات وفطاير وخذي معاك معمول وقهوه وشاي وفصفص واكياس للوسخ ومويه واكواب ورقيه وممكن تاخذين مثل الشرشف او جاكيت تغطينهم فيه اذا نامو او قالو لك بردانين وانتبهي لا تكثرين لهم العصاير والمشروبات عشان ماينحصرون وتبلشين فيهم واصلاً هم بيدوخون وينامون لان الطريق يدوخ حتى انتي ممكن تنامين من الهدوء خاصة لما يقفلون الاضاءه اخر الليل الكل يدخل في سبات ويمكن تلاقين معك حريم ونيسات وراعيات سوالف يقلبونها كشته بالفصفص والقهوه والشاي ويتعازمون على الاكل مثل ماصار معنا من سنوات احنا الحريم جالسين ورا وحاطين شرشف يفصلنا عن الرجال وكلن يمرر المسليات والمشروبات والمعجنات على بعض واحنا البنات فارشين ورا وجالسين على الارض لان معنا بنت السواق فهي الوضع عندها اريحيه وضحك ومره رحنا نقل جماعي مافيه عزل حاطين العوايل مع ازواجهم قدام والشباب العزاب ورا كان الوضع اكثر تقييد وتعب مو مثل اللي يعزلون النساء عن الرجال ويخلونا ناخذ راحتنا توكلي على الله ولا تحملين هم بإذن الله رب العالمين بيسهلها عليكم الله يتقبل منكم صالح الاعمال وتوصلون بالسلامه

صحيح الطريق طويل ومرهق تمرين على عدة مناطق وكل كم ساعه يوقف في محطه او استراحه للصلاه ودخول...