معلش مقبولة منك ياعسل
انا ان شاء الله نازلة زيارة على بلادي كمان شهرين وفي شغلات نسيتهم مشكورين الخوات على التذكير ومشكورة يا بطة علىالموضوع

بشاير..

حلوة فكرتك...اما زميلتك مسكييينه:(الا الاستفرااغ ريحته سبحان الله لاتطاااق..لازم منه العبايه السبير خاصة للي عندها بيبي

طيب بشوورة وش اقتراحك وش نشتري من السوق...؟؟؟؟؟؟؟؟

مشكووورة ياعسسل:)

وعليكم السلام ورحمة الله وبركاته

ياهلا بام منصور وموضيعها الحلوه الهادفه

بالنسبه ليه يكون في يدي 3 شنط :icon33: :icon33: شنطة اليد وشنطة الاولاد( هذي تكون في العربيه لين نوصل الطياره) وشنطة المكياج و الاشياء الثمينه
وغالبا اكون حاطه فيها كمان الاوراق المهمه والكميرا

بالنسبه لشنطة الاولاد ( غيارات للاثنين علشان وقت الوصول اغيرلهم - لبن الي يشربوه من غير ما يكبكبوا الدنيا>> انحطت صورته في موضوع حرم الدكتور
او اشياء خفيفه ياكلوها لان اكل الطياره ما يعجبهم) العام الماضي اخذت معايه شويه فاكهه كانت موجوده في البيت وقلت حرام ارميها وكمان اي شي يبقى في البيت يحبوه الاولاد لازم اشيله معايه
بالنسبه للتلاوين والكراسه في الطياره يعطوهم فيكون ولدي مستني بس متى يوزعوا عليهم الشنط علشان يبدا يلون


بالنسبه لشنطتي يكون فيها المصحف وكريم وفرشة الشعر ومكياج خفيف وكمان لبان ومناديل وفوطه صغيره علشان الحمام

اما بالنسبه للبسي يكووون بنطلون وبلوزه اخف شي عندي لاني مررره ما استحمل الشي الثقيل واحر بسرعه حتى لو بالشتاء

مره حصلي نفس الي سار لصحبتك 00 كانت بنتي عمرها 4 شهور من اول ما طلعنا الطياره وهي تبكي رضعتها علشان تنام وارتاح بس مافي فايده بكت وبكت وبكت ليين طلعت كل الي في بطنها عليه :icon33: :icon33: انا سرت زي المجنونه لان الطياره لسه ما اقلعت والمسافه 7 ساعات بالريحه الحلوه بس ماصبرت اول ما اقلعت الطياره واناس انشغلت شلت نفسي وعلى الحمام وهاتك يا غسيل في العبايه طبعا ماغسلتها غسيل لا اخذ فوطه صغيره وحطيت فيها المويه وشويه شامو وجلست انظفها وقعدت في الحمام اهوي العبايه لين ما نشفت شويه وخرجت ولا من شاف ولا من دري :D


لازم اخذ معايه كيس فاضي كبير للضروره الان تعرفي مع الاولاد تنزلي من الطياره محمله بالشنط الي يوزعوهم في الطياره وكمان احط فيه جكيتات الاولاد

بالنسبه للسوق الحره اشتري منها العطور واحيانا شكلاته ليه علشان الطياره


وبالنسبه للصلاه اصلي جالسه وانا مكاني على الرغم من توفير مكان للصلاه في الطياره بس دائما يكون مزدحم بالرجال او الرجال راحين جاين من عندك


هذي حوستي وقت السفر ولازم منها طالما عندك اطفال

طبعا السنه الي فاتحت خفت شويه لان الاولاد كبروا بس كل ما كان الطفل اصغر كل ما كان حوستوا اكثر

هههه طبعا في الرجعه من عند اهلي تكون شنطة الاولاد مليانه اشياء يتسلوا فيها تعبيها لهم جدتهم

وسلامتكم

يارب يسرلنا رجعه لبلادنا سالمين معافين موفقين

الشكر كل الشكر لصاحبة الموضوع ولكل من أدلت بدلوها على هذه المعلومات القيمة والتنبيهية والله يجزيكم الخير ويوفقكم ويساعدكم في جميع اموركم

بنات لو سمحتوا .... عندي استفسار الله يخليكم

قرأت لكم أكثر من رد وفيها "الشراء من السوق الحرة"... ما ذا تقصدون بالسوق الحرة ... هل هي المحلات اللي في المطارات ؟... وهل هي رخيصة "لأنني أحسست أنكم تنتهزوا الفرصة للشراء منها"؟
وماذا تنصحوني؟

جزاكم الله خير

mys_alreem

الله ييسرلكم سفرتكم ويوصلكم بالسلامة يارب

غـــدو مــحد قـــدو

هلا أم غادة...أنا أحس عطور...كريمات للبشرة أو مكياج يعني أي شي إنت تستخدميه دايما ويكون مخلص فاشتريه خلاص من سوق المطار

أذكري الله

يا هلا بأم أحمد...الله ييسرلك الحمل يارب وتقومي بالسلامة يارب ويحفظلك أولادك يارب

ماشاء الله عليكي الله يعطيكي العافية والله مسكينة الأم تشيل وتحط وتهتم وماشاء الله الأولاد طلباتهم ما تخلص الله يحميهم...وتلقينا نشيل همهم أكيد حيبردوا..أكيد جيجوعوا...وكل دا يخليكي تشيلي مية غرض في الطيارة

الله يعيننا يارب...وييسرلكم السفرة يارب....وشكرا على مرورك الكريم يا غالية

دايخة

هلا وغلا...السوق الحرة هي المحلات اللي فالمطار...واسمها حرة أو duty free shops لأن البضايع من غير ضرائب..مثلا تلقي عطر أرخص من العطر في السوق العادي..لأن قيمته صافية من دون ضرائب...والفرق مو هذاك المهول كلها كم باوند بس يعني يفرق