<-- مأجزه من زمااااان
الأجـازه مهماا كانت أيامها قليله...نحب نعيشهااا
الأغلب إذا مو الكل مفكر يسافر خارجيا أو داخلياااا
السفر متعـه وخاصه لـو كان بالسياره
مدري ليش امووت على السفررر بالسياره
وبالليل بعد
وه بس
والسفرر عدة أنواع وأهداف راح أتكلم فيها
_ سفر لـ زياره الأهل أو لحضـور مناسبه
عاده مانحط جوات الشنطه ملابس أكثر ومعنا شنط للميك أب
واغراض الشعر من استشوار وملحقاته..والفستان يكون معلق خايفه يتعرفط او يتوسخ
..أنتبهو بنات تودون فستانكم للمغسـله....وحده من قريباتي ضاع فستانهااا؟؟؟
وراحت تشتري فستان أي كلام تمشيه حااال
لان الزواج لقريبتهااا ...ومضطره تحضـره..
ودااائمـا خذي معك شئ أحتيـاط..
والنوع هذا من السفر... من جد يوتر لأنك تكونيين على أعصابك...
.وتفكرين بالمناسـبه...
_ سفر لسياحه الداخليـه بـ السياره
هنا تكمن المتعه
العده معك؟ أهم شئ
اللي هي
تسااالي... ( مكسرات..فول سوداني..فصفص أو حب...فستق..لوز)
ممكن شبس
وإيضاا ممكن تضيفين صووص مع الشبسات لتغميس
سواء جاهز اوو من البيت
طبعاا وهو الأهم القهوه..( مين يقدر يستغني عنها..أدمااان وربي)
.. لا تنسسين كيس شكولاتااااات ( كاكاوياات) وخاصه اللي يسووق لازم يكون منتبه لـطريق ..والقهووه أفضل منبـه مع السكريات تزيـد من طـاقته والطاقه ممكن تزيـد السرعه
<--- ؟؟؟؟؟
نفسك بـ كابتشينوو؟؟؟ أسبريسسو؟؟؟
قهوه الطريق...تكون على أطراف منطقه الرياض
.دايم نشتري منها إذا رحت الى الشرقيه
<--- تموت بـ الشرقيه
ولـ إضافه جو من الثقـافه
الأفضل تصطحبين معك كتاب
وممكن تشـاركين الي حولك
وتتشـاركون الأراء...
.أو مجـله
<-- أنصح بـ مجله ميكي حلوه وتضحك
نأتي لـ السفر خارجيـا من أجل السياحـه
أول شئ لاتنسين حجابك
كثيرررر نشووفهم تـاركين العبايـه
مالك عـذر
لا تتخلين دينك
ثـاني شئ
ليش تكثررين العفش؟ ...مره شفت واحد و زوجته معهم ( عشر شنط) وهي و زوجها لو أجمعم
ما وصل وزنهم 60
... وأخذ عليه الجمارك 3000
<--- قطت هي و زوجها عندهم
بالله وش رااح تلبسين؟
من جد بنات خااصه اللي تسافر ( هاني موووون) لا تكثرين ملابس..
. لانك يمكن بعد تشتررين
خذي ملابس مو كثيرره ولا قليله
بالمعقـول
ويـاليت ننقـل صوره حلوه عن ديننا وعن بلدنـا لان بصـراحه نشـوف العجب
الشخص مختـلف والأسلوب شبه همجي من البعض
_ لو كان معاكي أطفال
أهم شئ ألعابهم
كتبهم وألوانهم..قصصهم
الفيـديو قيم
والأهم...كرسـي السياره للأطفال..إذا رحلتك بالسياره
أقترح عليك تروحين ســاكو فيه عنده ( عدة خاصـه لسفرر والرحلات)
من غلايـه إلى ثلاجـه تستخدم في الرحلات وأسعارهم حلووه ومعقـولـه
وأخيرااا
لا تنسسين ( سجاده الصلاه+ حصن المسلم+ القرآن الكريم)
وطبعـاا أذكار السفـر
الموضووع من مجهودي الشخصي
اللي يعجبها
مابي منها إلا الدعـاء لـوالدتي
ربي يشـافيهاا ويطول بعمرهـا
.
معلومات جدا مفيده ..
يسعدك ربي ياقومر..
وحياك الله بين اهلك ف الشرقيه ..
وشوكرن