قلــب طـــــــاهر
أختي عادي كلامك مافيه أي شي غلط وأنا أتشرف بخدمتك لأن مبين عليكي أخلاق وذوق وماأزعل منك لأنك بتسألي وتستفسري مابتخربي بس هو ترى لونه أبيض ناصع مرة زي الطبشور وأنا والله ماأعرف فين ينباع بالبحرين بس ياليت البنات يفيدوكي لكن عالخاص لو سمحتوا ولو تبغي أي خدمة لاتترددي حبيبتي إحنا أخوات
الصفحة الأخيرة
تسلمين اختي كتكوتة على خدماتج ومساعدتج للبنات .. بس انا عندي استفسار بقوله بعد اذنج في موضوعج بما انه يتعلق بالسفيداب .. واسمحيلي اختي .. بس مبين عليج خدومة وتحبين الخير للكل ..
يمكن اني توني مسجلة .. بس انا قارئة دائمة ومتابعة للمنتدى من حوالي الخمس شهور .. وخصوصا في منتدى الجمال وسيدات الاعمال ..
عموما ...
لفتت انتباهي مواضيع السافيداب ..ولفت انتباهي رد عضوة من البحرين.. ان فيه منه في البحرين والاصلي بعد ..وهو نفس الوصف اللي يقولون عنه في المنتدى واللي قريته شخصيا من خلال الردود في عدة مواضيع عن السفيداب وهذا خلاني ابحث عنه (( لأني من البحرين )) ودخت لين مالقيته عند واحد من العطارين بس يوم شفته كان لونه مهب ابيض صافي مثل مايقولون الخوات أو مثل ماقالت العضوة البحرينية انه مثل الطبشور ..لا اللي شريته لونه فاتح حليبي جذي ويفت بسرعه اذا ضغطنا عليه بقوة بس مب ابيض ناصع مثل الطبشور .. خليني اشبه لج شلون ؟؟ هو مثل اليقط المجفف بالضبط .. صح والا انا غلطانه ؟؟ ولقيته عند دار الاعشاب اللي في سوق الرفاع .. اذا نفسه هو اللي تتكلمون عنه بليز علموني
واذا وحده من البحرين قرت اللي كاتبته فياريت تقوللي من وين الاقي اللي تقولون عليه مثل الطبشور.. في اي عطار في البحرين.
لأن فكرة الطلب من بره شوي متعيجزتها وخصوصا ان عملية الشراء بتكون بشكل مستمر فصعبة شوي لكن اذا حظي ماحالفني بشتري من الاخت كتكوتة جدة وان شاء الله ماراح تقصر
لو سمحتوا ردوا علي لاهنتوا واكون شاكرة
والله يعطيج الف عافية اختي كتكوتة.... ارجع اكرر اعتذاري على هالمداخلة .. اهم شي ماتشيلين بخاطرج علي .. وانتي فيج الخير البركة
تحياتي