عزيزتي انا راح اقولك لاني جربت السكن مع اهل زوجي وبعدين استقليت
بس تعرفين انا ما كنت اخذ راحتى كثير لا في البس..ولا في الضيوف الى يجيو اصلا لاهل الزوج
كمان ما كنت اقدر اعزم صديقاتي لاني ما كنت احب اعزمهم في جو رسمي
العيوب كمان ما تقدري تاخذي راحتك كثير مع زوجك من حيث المزح ... والطبخ مع بعض والعصريه لازم في جو عائلي
هذه العيوب
اما المميزات احيانا اطلع مع زوجي بروحنا واخلى اطفالي مع ام زوجي
القى الاكل جاهز بحكم وجود شغاله.ما اتعب .اخرج على راحتى
والاهم مرات نطلع يومين انا وزجي بروحنا يعني ايام عسل واخلي الاولاد معاها وهي سعيده بذلك وتريدهم بشده



بس لما استقليت اخترت بيت قربهم لنفس الامتيازات السابقه
يعني ضربت عصفورين بحجر واحد
استقلال........ ووناسه
احيانا ما اقدر اطبخ اطرش للشغاله تجيب لي الاكل
احيانا اخلي عيالي ينامون مع ام زوجي وعيالها وانعم بجو شاعري مع زوجي


وعلى فكره ام زوجي هي خالتي .يعني تعاملني كبنتها بالضبط. احيانا اسوي طبق واروح معاها
وقت العصر وناسه وضحك واحيانا تجي معاي
والله لو كانت كل الحموات مثلها ما طلبت وحده تبتعد وتسكن بعيد


اتمنى اني افتك.....واحب اقولك ان ها الموضوع بالذات يعتمد على اشياء كثيره منها اسلوب معامله اهل الزوج اذا كان مشجع للعيش معهم ام لا.........
بالنسبه لي احب الاستقلال بس قرب اهل زوجي مو بعيد
حتى علاقتي بزوجي رووووووووووووووعه كثير لانه يحس اني انافسه في حب امه هههههههههههه
احيانا اشكيلها وانا اظحك وطبعا تكلمه ويضحك لما يخبرني ان خالتي كلمته وعصبت عليه لانه زعلني ............. والله وناسه وحب ...الحمد لله

طيب والي ماله الا امه ويش تسوي الزوجه يعني لازم تتحمل علشان رضى الله .
بس يا بنات انتم تتكلمون عن الاستقلاليه لوحدكم الزوجه تكون في بيت مستقل عن اهل الزوج طيب الوحده ماتفكر
انها اذا كبرت وخلفت وزوجت عيالها نفس الموقف حيعود علينا نبغى نعيش مع عيالنا واحفادنا ..
الايام دواااااااااااااااااااره .فلازم نتحمل وانا معاكم انه ايامنا مو زي ايام زمان الوحده تبغى تدلع ودلع زوجها .:27:

اشكر كل خواتي على ردودهم وتفاعلهم ويه الموضوع
الكل اجمع ان السكن المستقل افضل وبنفس الوقت اللي جربوا الاثنين افتقدوا الالفه واللمه الحلوه ..


اختي حمودي وعبودي
مشكوره على عرضج وجهة نظر الاهل .. وصحيح احنا عمرنا مافكرنا اهل الزوج شنو رايهم واذا هم مرتاحين بوجود زوجة ولدهم وياهم ولا لا؟
بس اظن في اغلب الاوقات اهل الزوج هم اللي يقترحون انه يقعد وياهم هو وزوجته عشان لايبتعد عنهم ..


ولي رجعه ان شاءالله لمناقشة باقي الردود
:27:

انا والله عايشة مع اهل زوجي وهم طيبين نسبة ما بس دائما احلم بالاستقلالية وكيف انك تقومين متى ما حبيتي وتطبخين اللي في نفسك وان ما حبيتي تطبخي تصرفتي وطبعا زوجي معاه اخوان يعتي ما يشوفني لابسة الا نادراهذا غير مشاكل العيال والتدخل بطريقة التربية وهذا اكثر شي مطفشني ولكن افكر ان عيالي في يوم من الايام بيرجعوه فيه واني خايفة من هذا الشي محد يعرف ايش مخبية له الايام وما اشتي يحصل زعل بيني وبين اهل زوجي فيارب يعطيني على نيتي ويخليهم هم اللي يعرضوا عليا فكرة الخروج من البيت:24:

loolo30 من قال اصلا ان الام تبي تسكن مع عيالها!!!!!

بالعكس كل ام تحب يكون لها بيت مستقل بروحها

وبكره مثلا عيالي تزوجوا ليش اجيب زوجاتهم يسكون عندي ....والله كل واحد خله يحط زوجته في بيت اريح للكل