على اني ساكنة مع اهل الزوج ... بس كلها أشهر و بستقل ان شاء الله ...
أنا مع الاستقلال ببيت خاص ...
اهل زوجي ناس محترمين , و لولا كذا ما جلست عندهم سنوات ,,, بس الواقع ,, ان البعد و الزيارات افضل لنا و لهم , حتى هم يشتاقون لنا ... ايضا كا انسان يحب الخصوصية ... ما ودك كل ما اشتريتي شئ , ينشاف ...
ايضا ,,, الانسان مزاج .... يوم يقوم من النوم ماله مزاج بدون سبب ... تضطرين نجاملين عشان ما يقولون ايش فيها ( و انتي فعلا ما فيك شئ )
اهلك يستحون يزورونك عندهم ....
ايضا صديقاتك ... لان أهل الزوج بيضطرون يجاملونهم و يستقبلونهم ...
راح يبين اذا بينك و بين زوجك زعل , و انتي و هو تنسون , بس هم لا !
تتحرجين كل شوي طالعة انتي و زوجك على العشاء أو قهوة ... مش مثل لو كنتي في بيت لحالك ...
اللبس !
تضطرين يكون لبسك محتشم ... مش مثل لو انتي في بيتك , تمشين في قميص خفيف و روب ...
الخلاصة :
السكن مع اهل الزوج غير مناسب في هذا الزمن ....
بس !
لاااااااااااااازم تعوضونهم بالوصل و الزيارات الدائمة و التشبع من الاحفاد و السؤال عنهم و تعزمونهم بعد .... مهما يكون هذولا أهله اللي ربوه ... و لازم يعطيهم مثل ما اعطوه ... لان الدنيا دواااااااااااااااااارة ...

انا نفس كلام ام حصة

السكن مع اهل الزوج له مميزات وله مساوئ وكل يحكم على حسب ضروفه فالبعض يفضل السكن مع اهله من اجل الأبناء حتى لا تربيهم الخادمه ولكي تكون العلاقة بين الأبناء قوية وبعضهم لكي يساعد ابنه وذلك في ضروفنا الحالية من غلاء الإيجارات ولكن ايضا قد تعود على لشخص بعدة مشاكل منها عدم وجود خصوصية للزوج والزوجة كثرة لمشاكل بسبب تدخل الأهل وفي النهاية يرجع القرار للزوج والزوجة في هذا الأمر

رايي من راي الاخت العزيزة ام حصة

لاوالله السكن ماينفع ابداااا
اولا ماراح تاخذين راحتك في كل شي
زجك ماتشوفينه الاوين ووين
اهلك مايجونك ابدا
ام زوجك تتدخل في كل صغيره وكبيره وتغار منك وتنقهر اذا شافت ولدها قاعد جنك
ولو تقعدن يوم ماتنزلين تروح تقول لولدها انها مانزلت عشان يزعل يعني تدور المشاكل
واخوانه 24 ساعه في البيت يعني طول الوقت جلالك على راسك
وزجة الولد يحبونها اكثر مني وعاد تعلوا شوفو التفرقه مع اني احلى منها بميه مرهه
واحشم منها واسنع منها بس هم يغارووووون مني بشكل فضيع من كل ناحيه
والتربيه يتدخلون فيها لدرجة ان بنتي ما تسمع كلامي اذا كانوا فيه