السكن مع الحموله وش الحل؟؟؟

السلام عليكم ورحمه الله وبركاته
انا بحاله مايعلمها الا الله اكتئاب وضيقه الله يفرجها قولو امين
مشكلتي لي 3 سنوات متزوجه وعندي بنت ساكنه مع اهل زوجي ولي غرفتين بس ولو كان عندي مطبخ كان هانت شوي
حرييم عيالهم وحده وانا الثانيه والثالثه بتشرف بعد شهر والله اني شايله هموم الدنيا من جيتها وطبعا كلنا في بيت واحد
اخوان زوجي 5 وهو السادس وكلهم بالغين وانا طول الوقت متغطيه بشرشفي اذا طلع واحد دخل الثاني وانا هذي حالتي منكتمه من الغطاء
وبزارين اخوه 4 وامه وابوه وخواته ثنتين يعني العائله كبيره مره ماشاء الله وانا ماني قادره اتحمل وياليت طبايعهم زينه كان يهون الموضوع
كل شي يبون يعرفونه وكل شي يسالون عنه حتى الدوره ا الشهريه اذا قربت يسالون جت او لا وعلى هالحاله كل يوم لين يتطمنون انها جت
والطبخ مايعجبهم العجب ومن كثرتهم كلن يشتهي له شي اذا سويتي لهم رز مايبون والصياني ماتبد عليهم واي شي مقلي مايبونه واي شي فيه بطاطس مايبونه واي شي فيه قشطه وجبن برضوه مايبون وربي شيبو راسي
واذا رجعت من الدوام ما اطلع لهم وما تغدى معهم واحيانا ما افطر بالدوام واجوع لكن افضل البسكوت على اني اطلع عندهم وانا متغطيه واذا طلعت لهم المغرب احسهم متضايقين لايرحمون ولايبون رحمه ربي تنزل
عايشه على البسكوت والشوكولاته
واللبس ما اقدر البس واكشخ لزوجي اخاف احد يدخل علي هذا غير اني ما اشوفه الا دقائق معدوده باليوم احس احلى ايام عمري راحت وانا مالبست وتكشخت لزوجي
والادهى والامر زوجي مايسافر بي عشان اهله يداريهم
تخيلو انا سافرت مع اهلي بالاجازه اللي فاتت وهو جاء لنفس المكان عنده شغل واخذني من اهلي واستاجرنا شقه وحرص علي ما ابلغ اهله واذا سالوني اقول لهم اني مع اهلي طول الاجازه ليش ما ادري لدرجه اني احس اني مسويه جريمه وطالعه مع غريب مو زوجي
واذا بيسافر لحاله احاول معاه اني اروح معاه لكن يرفض ويطلع لي ميه عذر رغم انه رايح رايح كله عشان يداريهم
ياخواتي دلوني وش اسوي طفشت انصحوني وش اسوي لاتقولون اقنعيه انا حاولت معاه مانفع لدرجه اني اخذت قرض ب 180 الف من 10 شهور عشان يعمر بيت لكنه يتحجج بغلاء البناء رغم انه راتبه ممتاز ويقدر ياخذ قرض ويبني لو بيت دور واحد انا راضيه
انا ابي اساليب اسخدمها معاه عشان هو يطفش ويحس بعدم الحريه ويقتنع اننا نطلع تكفون قولو لي خبركم الحريم كيدهن عظيم
تكفون ساعدوني ولو بالدعاء انا مالي الا انتم بعد الله اشكي له