بسم الله الرحمن الرحيم
السلام عليكم ورحمة الله وبركاته..
بنات رجاءا قبل لا تقرأون الموضوع ابيكم تطولون بالكم علي وما تجرحوني بالكلام ... انا اقبل النقد البناء واكون شاكرة اذا كان مصحوب بمساعده .... ولكن رجاءا لا تحبطوني وتجرحوني ...ما ابيكم تقولون لي اني على حق على طول بس بعد لا تجعموني....
نسيت اخبركم اني كنت متابعه لمواضيعكم من زمان وتعجبني الردود اللي تنطرح والمواضيع والمشاركات وروح التعاون اللي لمستها فيكم ...واتمنى اكون وحده منكم...
اعرفكم بنفسي انا متزوجه وأم لطفلين .. موظفه ولكن حياتي غير مستقرة ... كالبحر ساعه هادى وساعه مجنون
انا طيبه وحنونه لكني عصبيه ... عيالي حبوبين ومتعاونين ..5 سنوات والصغير 3 سنوات ..ولكن حركيين وصايرين يحبون يعاندوني زوجي طيب وحنون ولكن ما اعرف ليه احيانا اتنرفز منه...اهل زوجي متعبيني جدا معهم ...وهنا تكمن مأساتي!!!! لا تحطون ببالكم اني مكبرة الموضوع وعاطيته اكبر من حجمه لا والله الا اني اتنازل كثير في اشياء تجيب لي العله والقهر والغبنه...
كنت ببيت اهلي مدلعه لاني كنت الوحيده عندهم يعني لا اخوان ولا خوات ... فكانت امي مدلعتني "وهذا خطأ" وانا معترفه بخطأي... ولكن مجرد ما تزوجت ابتديت اطبخ بنفسي واسوي اكلات خفيفه يعني كبسه ربيان ...كبسة دجاج... دجاج مقلي مع رز ابيض... واذكر مرة من المرات يا بنات سويت لزوجي شوربة عدس "وكانت اول مرة لي ولا عمري ركزت مع امي وهي تطبخها" لكن اتصلت لها واخذت المقادير منها وسويته وطلع رووووعه طعمها حتى زوجي عجبتها واللي في الوظيفه معه بعد عجبتهم" طبعا انا كتبت لكم هالكلام عشان ابين لكم اني ما كنت اطبخ ولكن عندي قابليه للابداع "حشى ما صارت شوربة عدس "خخخخ لا بجد بنات والله اذكر كنت توني متزوجه وكنت اطبخ طبخات من خيالي او من الطعم اللي اعرفه .. وغير اللي حاولت اطبخه ولكن والله يا بنات كانو يحبطوني بشكل ما تتصورونه لدرجة اني كرهت الطبخ ووقفت عن الطبخ من الاساس
خلوني اتعمق معاكم اكثر ..واذكر لكم مواقف وياهم...
لما تقدمو لي كانو طايرين في فوق السحاب وفي جمالي ومو عارفين شنو يسوون لي..لما تملكت كانو يطلبون مني طلبات ما اقدر اسويها .. ويصرون عليها مثلا: بكرى عندي امتحان بالجامعه وهما متصلين عليي :نبيك تجين تتغذين معنا لان عمتنا بتجي تتغذى وتبي تشوفك ... وعلى فكرة الغذا بيكون له توابع يعني شاي وحلاوة وما اعرف ايش يعني ما بطلع من البيت الا بعد صلاة المغرب يعني يومي كله بيروح بدون اي فايده والامتحان بخسره... لما اتصلو امي اللي ردت عليهم "تلفون البيت" وقالت لاخته الكبيرة ما تقدر تجي لان عندها امتحان بكرى ... لكن اخته ما اقتنعت وظلت مصرة ولا في فايده المهم ان في النهايه ... ما رحت وزعلو مني ...
لما نطلع مع بعض انا وزوجي وهما يتضايقون لاني اروح مع زوجي نتمشى مع بعض شوي عالبحر... ويبوني اترك زوجي واقعد معاهم والله يا بنات ..احلى ايام عمري راحت بسبتهم ما تهنيت في كل شي محاسبيني عالطالعه والنازله ....
وكل مرة يطلعون بشي جديد وكانو هما السبب في معظم مشاكلنا انا وزوجي ...
هذا الكلام كله لما كنا في شقه منفصله عنهم... ولكن زادت المصاريف وزادت الديون ووافقت على اغبى وأخطر قرار ... وهو اننا ننتقل للعيش في بيت اهل زوجي... بعد وفاة ابو زوجي .. كنا نروح للعزا ببيت عمي وصرنا نبات كلنا في المجلس ... بعدين زوجي حس ان امه محتاجته وصار لازم يسكن معهم فاللي صار ان سكنا في بيت اهله بس شلون كان السكن يا بنات الله لا يوريكم... بالبدايه كنا كلنا اناوزوجي وعيالي ننام بغرفة أخوه الصغير واخوه الصغير كان ينام في المجلس طبعا يا بنات هذا كله بموافقة امه ومباركتها ... وكنت يوميا اقعد الساعه 9 الصباح عشان اساعدها بالمطبخ والله ثم والله والله يا بنات كل ما اروح لها اقول لها هاتي البصل اقطعه عنك تقول لي لا ما بتعرفين خليه الشغاله تسويه اقولها طيب هاتي الطماطم اقطعه ... السمك انظفه الدجاج ... الارز اغسله واجابتها هذا هي ما تتغير ... واطلع بدون اي نتيجه ... وتسوي شغلها هي والشغاله ... وانا اقعد من نومي بدون اي فايده ... والله يا بنات كنت ارضع ولدي ووقت الفطام يعني كنت اتعب اموووت بالليل ما انام الا الفجر وارجع اقعد الساعه 9 الصبح اسمريت على هالحال لمدة 10 ايام او اسبوعين ومحاولاتي كلها باءت بالفشل ... فتوقفت عن قعده الصبح وصرت اجلس بس لبنتي اجهزها للروضه وارجع انام ...
المهم اني بدات اسمع كلام عني من خالتي وبناتها انا بالغرفه فوق واسمعهم يتكلمون علي يا بنات كان كلام يقهر ويجيب العله تصورو هي اللي تمنعني من الشغل وياها وبعدين تتكلم علي عند بناتها والجيران وحتى اللي من حمولتهم لو جو البيت زيارة ما تقصر تعطيهم ما لذ وطاب من الكلام وانا كنت ابين لهم اني ما ادري بشي من اللي يقولونه عادي الوضع مخليته تصورو النفاق انزل تحت مجرد ما يحسون بنزلتي عالدرج يسكتون ويغيرون الموضوع ... ولا كان شي صار .. كانو بكل شي يتدخلون بعيالي وفيني وفي لبسهم وطلعتهم وتصرفاتهم ..مع اني والله يا بنات انا مربيتهم احسن تربيه .. والله مو مدح... تصورو يا بنات كان ولدي عمره سنتين .. تقريبا كنت اخليه ياكل بروحه عشان يتعلم >>>> هذي طريقتي ويا اخته .قبل جربتها ونفعت .. والحمد لله اعتمدت على نفسها بسرعه ... كانو يتدخلون هالعمر تخلينه ياكل بروحه وبنتي اذا الغذا في صلصة او "مرقة" ما تحب تاكل بيدها وانا مثلها يااا ربي علي يصير عالغذا يا بنات .. تظل تحن حماتي "اخت زوجي ..هذي عمرها فوق الثلاثين وللحين ما تزوجت ومتعبتني يا بنات والله العظيم احاول المستحيل اني اكسبها ودائما تهشمني كل كلامي غلط وحركاتي غلط واللي معلمته عيالي غلط .. وهي الصح والله يا بنات اني ما ابالغ.. يا بنات تصورو عيالي اذا ينزلون تحت عندهم بالصاله .. تصورو شنو يقولون لهم لا تلعبون لا تتحركون لا تقعدون عالكراسي تقعدون عالسجاده ووسط حدودها بس يعني ما يطلعون صوب البلاط ... والسجاده حجمها وسط وعليها طاوله تصورو العيال اذا كل مكان ممنوع عليهم ... كنت اعاني بشكل فضيع ... وحتى بنتي كانت تحس المسكينه انهم يكرهونها لانهم على طول يصرخون عليها وكلمة "لا " معلقه بلسانهم على طول .. حتى الحوش ما يخلونهم يلعبون فيه حوش شكبره والعيال يروحون بره يبون يلعبون بالدراجات او يفرشون سجاده ويقعدون بعد لااااااااا وانا ما اقدر اسوي شي ... الا الصبر ...
طبعا زوجي بالبداية ما كنت اخبره بشي ابدا ولكن لما فاض الكيل كلمته ... ولكن ما سوى شي ودائما يقولي انتي ما تحبينهم وانتي وايد تحطين ببالج ... وقفت وما قمت اشكي له ابدا تصورو يا بنات ام وزوجه تعيش بغرفه اخو زوجها وثياب خالتها بعد في الغرفه وما تقدر تقفل الباب ولا تحتفظ بخصوصياتها والله يا بنات كم شي يختفي من عندي .. مرة حلق مرة خاتم ...والله للحين قلبي محترق عالخاتم للحين واقولها ماني محلله اللي ماخذه ابدا ...لان كان فعلا عزيز على قلبي ما تتصورون الى اي درجه مع اني ولله الحمد ابوي وزوجي مو مقصرين ...
مرة من المرات يا بنات صارت مشكله كبيرة والسبب كان شي بايخ والله بايخ .. وهو ا:كنا نتكلم عن شنط العيد واني باخذ لعيالي .. وقالت اخته ان عندها شنط لعيالها وبتجيبهم قلت لها حلو صار .. طيب .. يوم ثاني اتصبل لاخته الثانيه عشان تشتري من المحل اللي جنبهم منزلين اشكال جديده وحلوة ... الاتصال صار وانا موجوده فقلت له لا تنسى تكلم اختك فلانه وتقولها لا تجيب شنط عيالها دامك بتشتري .. قال لا ما يحتاج ...
يوم ثالث راجعين البيت وكانت اخته موجوده وجايبه الشنط معاها.. عاد انا قلت لها ان فلان اشترى شنط ...وانا قلت له يتصل لج بس هو ما اتصل ... ويا الله يا بنات عللا اللي صار قامت تهاوش وانتو اصلا ماتبون مني وانتو ما اعرف ايش... وانتو وانتو... انا قلت لها وانا ابتسم مع اني داخلي مقهورة لانها رفعت صوتها علي بس حاولت اتخطى الموضوع وامشيها لكن ما في فايده يا بنات ظلت تصارخ ولحد ما جا زوجي وهي ما سكتت وانا ما بيدي شي ... تقولي انتو اثنينكم نفس الشي نفس الاطباع وفيكم هالحركات وما اعرف ايش...
نسيت اقول لكم انهم كانو يعطوني ثياب عيالهم عشان البسها عيالي من باب التبادل مو من باب الحاجه لاني اخذ لهم ومو مقصرة عليهم في شي ولله الحمد ولكن هيهات ان قطعة ملابس وحده تتوسخ بنقطة حليب يا الله على اللي يصير ... زلزال وحنه وزنه تستمر لاسبوع حتى ... عشان جذي يا بنات قمت ما البس عيالي من الملابس اللي يعطوني اياها ابدا اخزنها لحد ما تصغر وارجعها ... وخلاص
غير هذا يا بنات اني مو متهنيه لا في طلعه ولا روحه وحتى روحاتي لبيت اهلي محاسبة عليها ... مرة صار موقف يا بنات يجيب العله .. ويقهر وقسم بالله اني انقهرت... طلعت انا وزوجي للسوبر ماركت وكان الوقت متاخر وتفاجئنا لما رجعنا ان ان اللمبات مسكرة والباب مقفول واحنا يا بنات كنا طالعين قدلمها يعني ما سكرت صدفه ورجعنا وضربنا الجرس وفتحو الباب وزوجي يقول ليش مسكرين الباب الحين انتو ما شفتونا واحنا طالعين ... قالت بلا بس عشان تتاذدبون ومرة ثانيه ما تطلعون في هذا الوقت ... على فكرة زوجي هذا اكبر من اخته... اللي بالبيت معانا وبعدها ما تزوجت...
تعبت بقوم لعيالي اغذيهم وان شاء الله ما اطول عليكم
وارجوكم طولو بالكم
lilمشاعرlil @lilmshaaarlil
عضوة جديدة
يلزم عليك تسجيل الدخول أولًا لكتابة تعليق.
حليب الشتاء
•
هلا اختي انا حسيت في كل كلمة كتبتيها وكل حرف لاني عشت فترة اربع اشهر عند اهل زوجي وذقت منهم الوان القهر والخبث من قلب الحثائق ان ساعدتي منتي سلمانه وان جلستي منتي سلمانه على الاقل هذي مظهره عدائها الي عندي بلوه تلعب من تحت لتحت عجوز متصابيه بس على مين طاحت لها بوحده امر من المر نفسه والله ثم والله لو توصل الدعوه طلاق ما احط واطس لاحد الي تحترم نفسها تلاقي الاحترام والي تستقوي اخش بعينها واكلها بسناني عمرك لا تسكتين لاحد وخذيها من اخت الزوج ماينقاله شي هذولي اهله واستحاله يصدق عليهم شي اسكتي وانتي تصرفي من عندك يعني خلك رسميه معهم ولا تسمحين لاحد يطول لسانه ويرفع صوته لاتحطين لها واطي الي ترفع صوتها انتي كمان ارفعي وامسحي فيها البلاط والي مايعتبرك راس مال لاتعتبرينه مكسب
بصراحه مرت اخوي ساكنه عندنا ومو طايقتها ابد
االاسباب
قااااااااااااااااااااااااعده بالغرفه غداها يجيها للغرفه
ماتقوم ابدا
لبسها مااااااااااااااااااااااااااااااااااااااااااااااااااصخ
وبالفتره الاخيره
وقفتها عندها
باللبس
بالشغل الى متى عروس
مع انو في خادمه بس الواحد اقلها يجاااامل
عشان كذا مأطيق احد يجيب زوجته تقعد عندنا
االاسباب
قااااااااااااااااااااااااعده بالغرفه غداها يجيها للغرفه
ماتقوم ابدا
لبسها مااااااااااااااااااااااااااااااااااااااااااااااااااصخ
وبالفتره الاخيره
وقفتها عندها
باللبس
بالشغل الى متى عروس
مع انو في خادمه بس الواحد اقلها يجاااامل
عشان كذا مأطيق احد يجيب زوجته تقعد عندنا
بصراحه مرت اخوي ساكنه عندنا ومو طايقتها ابد االاسباب قااااااااااااااااااااااااعده بالغرفه غداها يجيها للغرفه ماتقوم ابدا لبسها مااااااااااااااااااااااااااااااااااااااااااااااااااصخ وبالفتره الاخيره وقفتها عندها باللبس بالشغل الى متى عروس مع انو في خادمه بس الواحد اقلها يجاااامل عشان كذا مأطيق احد يجيب زوجته تقعد عندنابصراحه مرت اخوي ساكنه عندنا ومو طايقتها ابد االاسباب قااااااااااااااااااااااااعده بالغرفه غداها...
اهلا اختي ...
للتوضيح فقط انا كنت انزل لخالتي واحاول اساعدها ...يمكن انتي ماقريتي الموضوع كامل ... انا كاتبه فيه انها كانت ترفض مساعدتي ...
وبعدين انا انظف معاهم واغسل المواعين لكن بعد ما يعططوني مجال ... كلمتهم المعتاده :لالالا مستحيل خلي خلي من ايدك ومن وراي كلام ثاني انا تعبت من النفاق ... وكرهت التعاون معاهم بكل اشكاله
وبالنسبه للثياب اهي حرة يا قلبي تلبس اللي تبيه ما عليك منها :)
للتوضيح فقط انا كنت انزل لخالتي واحاول اساعدها ...يمكن انتي ماقريتي الموضوع كامل ... انا كاتبه فيه انها كانت ترفض مساعدتي ...
وبعدين انا انظف معاهم واغسل المواعين لكن بعد ما يعططوني مجال ... كلمتهم المعتاده :لالالا مستحيل خلي خلي من ايدك ومن وراي كلام ثاني انا تعبت من النفاق ... وكرهت التعاون معاهم بكل اشكاله
وبالنسبه للثياب اهي حرة يا قلبي تلبس اللي تبيه ما عليك منها :)
الصفحة الأخيرة