السلاطات

وعليكم السلام هلا والله فيج معانا أختي أم الغالين

غالية والطلب رخيص أنا راح أعطيج مقادير بعض السلطات اللي نسويها

سلطة الشمندر :

1 علبة شمندر
1 علبة ذرة
3 خيار
2 علبة روب و 2 ملعقة كبيرة من روب البيت إذا كنتي تروبين بالبيت مو ضروري وايد بس يعطي نكهة حسب رغبتج
2 ملعقة مايونيز
ملح وليمون
نعناع ناشف للزينة

الطريقة :

- تقطع الشمندر شرائح طولية
- أزيلي قشرة الخيار ويقطع مكعبات صغيرة
- يخلط كل من الشمندر والخيار والذرة جيدا زيتبل بالملح والفلفل
- تخلط مقادير الصلصة من روب ومايونيز
- توضع الخضار في صينية بايركس ثم يصب عليها الصلصة ثم ترش بالنعناع وتوضع في الثلاجة إلى أن تبرد وبالعافية

سلطة الجرجير

1 شدة جرجير
4 خيار
4 طماط
ملح ، ليمون
2 ملعقة أكل خل أسود أو تفاح أو عادي أنا أفضل الأسود

الطريقة :
تقطع الخضار مكعبات ويقطع الجرجير وسط مو صغير وايد
تضيفين اليمون والملح والخل وزيت الزيتون وتخلطين السلطة وبالعافية



سلطة المعكرونة :

1 كيس معكرونة مسلوقة بالطريقة العادية
3 خيار مقطع مكعبات
1 علبة ذرة يزال ماء الذرة
1 علبة فاصوليا حمراء
خس حسب الرغبة يعني الكمية غير محدودة إنتي وذوقج ومقطع شرائح صغيرة
شرائح زيتون
مكعبات فلفل أخضر بارد

الصلصة :
2 علبة روب مع 2 ملعقة كبيرة روب البيت إن وجد
2 ملعقة مايونيز
فلفل أسود
ليمون ، ملح
زيت زيتون

الطريقة تخلطين الخضار مع بعضها البعض وتضيفين عليها الصلصلة وتخلطينها جيدا ثم تحطينها بالثلاجة لين تبرد

:32::32::32:
أدري إن سلطاتي كلها بالروب والمايونيز أنا أحب أسويهم دايما
واسمحيلي إن قصرت معاج بس حبيت أساعدج على قدر المستطاع :cook::cook:

السلام عليكم حبيبتي :cook::cook::cook:

يبتلج اليوم بعد أطباق سلطات إن شاء الله راح تعجبج

سلطة قيصر


المقادير :

2 شريحة توست أسمر العادي أو الساور توست
2 كوب شرائح الخس
1 كوب أوراق الجرجير
½ كوب شرائح خيار
¾ كوب شرائح طماطم صغير

الصلصة :

2 كلعقة أكل مايونيز قليل الدسم
2 ملعقة أكل خل ابيض

الطريقة :

- تخلط مقادير الصلصة مع بعضها
- تقطع شرائح التوست أشكال مرحة ثم تحمص بالفرن
- يخلط الخس مع باقي الخضار والتوست المحمص ثم يسكب عليها الصلصة وتقدم في الحال .


سلطة الفاصوليا

الطريقة :

§ 4 شرائح توست أبيض
§ ½ كوب فاصوليا بيضاء
§ ½ كوب فاصوليا حمراء
§ 1 كوب شرائح بصل أبيض
§ 1 كوب شرائح ملفوف أبيض
§ 1 شرائح ملفوف أحمر
§ زبدة زعتر

الصلصة :

§ يقطع التوست دوائر ثم يدهن بقليل من الزبدة ويرش بقليل من الزعتر ثم يحمص في الفرن .
§ تخلط مقادير الصلصلة جيدا .
§ تخلط بقية المقادير مع بعضها البعض ثم تسكب عليها الصلصة وتترك لمدة ½ ساعة .
§ تقدم السلطة مع قطع التوست المحمص .

ان شاء الله أكون عطيتج شيء زين اسمحيلي إذا قصرت معاج واذا كنتي تبين بعد قولي

:24: :24: :24: :24:

مشكوره واييييييييييييييييييييييييييييييييدددددد اخت لمسه حنان وما قصرت الله يعطيج الصحه والعافيه
والله يشهن الواحد:21: بس حبيبتي زوجي مخالف بعد ما يحب المايونيز والزيتون واناأصلا شهنيا السلاطات ماب سويله:11: بسوي حقي والا يوم حد يييني واذا عندج سلاطات حلوة هاتيهن بعد والله لا يحرمنا من وصالج ومشكورة مرة الثانيه:26: :24: :26: :24:

مشكوره وتسلمين يا الغاليه:24: