السلام عليكم

حياك .. خليك رسمية معهم لين تعرفين تتعاملين معهم موب لازم الحب الزايد من البداية
وتعاملك معهم باحترام يفرض عليهم انهم يحترمونك بعدها بيحبونك
أهم شي مايجي منك غلط أو تدخلات ،
يعني زوجك في المرتبة الأولى وبعدها تقومين بالواجب اللي عليك تجاههم زيارتهم وتقديرهم
اللي يرضيك بس ويحسسك انه واجب عليك كزوجة لولدهم ونابع من تربيتك
والله يوفقك

شوفي يالغلاا انا اهل زوجي تخيلي عند بنات عمهم واقاربهم يمدحوني وتوصل لي الااخبار

من من خوات امي وحده من خالتي مدرسه ومعها بالمدرسه بنت عمه ومن اقاربهم يكلمون امي ,,

ولي اسويه لهم بختصار اتعامل معهم بكل احترام ومن تزوجت ولدهم ماكلمهم عن مشاكلي ولاا السب ولدهم عندهم

مهما كان لو ولدهم الغلطان مايرضون عليه بعض الحريم يدعون على ازواجهم قدام امهم استغفر الله وكل شئ يدور بينهم تفضحه ,

وبعد اذا عندهم عزيمه اكلمهم وش ناقصكم وش تحبون اساعدكم فيه يقولون الي تبين الي تحبين وانا اسوي لسلطات وكم صينيه

وحلى ورحو لهم يدعون لي

وبعد فيه نقطه اعزمهم من فتره الفتره لاا ن بعض الازواج الله يهديهم مايقدرون امهاتهم وخواتهم ويدعونهم البيتهم عشاء قهوه ... الخ

لكن الحرمه السنعه تذكر زوجه بان يدعو اهله لبيته,,لان بعضهم تجلس الام شهور وسنين مايدعها ولدها البيته الله المستعان ..

حتى الي تسمعينه من زوجات اخوانه مضايقات او كلام لانهم اكيد يغارون منك لااصارو يمدحونك طنشيه ولاا تكلمين زوجك فيه ودايم امدحي اهله عنده ,,

والله يوفقك ,,

احتسبي الاجر

اذا كنتي بتروحين لهم خذي قهوتك معك علشان ماتتعبينهم او خذي حلى عاد حريم يحبون الحلى

او فطاير اي شي ترى حلو اذا جاك ضيف ومعه اكل

وبين فترة وفترة انتي دقي عليهم قولي حياكم عندي خلونا نشوفك

وكذا بعد بيفرحون اذا عزمتيهم

الله يوفقكم ويسعدك مع زووجك واهله وترضين ربك ثم زوجك ثم اهله

كوني طبيعيه بس