السلام عليكم

السلام عليكم..

خواتي الله يجزاكم خيرآ..

أنا سبق وكتبت مشكلتي أبحطها بأختصار أنه لي الآن تقريبا سنه متزوجه ومن أول أيام زواجي حصلت لي مشاكل وصارت بيننا مشاكل أنا وزوجي ومافيه تفاهم أبدآ بينناوطلعني زوجي من البيت مرتين وقعدت عند أهلي مره شهر والمره الثانيه شهرين وأرجع من نفسي ولسى ماتغير؟؟

حتى وأن تغيرت وعدلت نفسي وأبعد عن كل مايضايقه ؟ أعامله بالطيب يقسى علي أو أسكت مايفيد معه المشكله تقريبا حساسه جدآ وهي مشكله جنسيه وهي أني أعاني ألم وخوف عند الجماع وهذا الموضوع يضايقه وصرح فيه بعدين أنا ماعندي مشاكل عضويه والموضوع صعب شوي لأنه يصير بين فتره وأخرى المشكله اني مو مرتاحه معه نفسيآ يعني أنا كأني عايشه لوحدي :44: وكم مره قلت له هذا الموضوع يضايقني وأبغى تتغير وتجلس معاي ونطلع يقول لا وهذا أشياء بايخه أبغى أعيش حياه طبيعيه مثلي مثل غيري تعبت والله لاتقولي لي هذا ماله دخل بالمواضيع هذاي لا له دخل لأني أنا اللي عايشه هالوضع الصعب والله يعلم بحالي..

وش رأيكم خواتي أنا أطلب شيء مستحيل وهل له حق يعاملني بقسوه يعني لايكلمني ولايجلس معاي ولا عمرنا أكلنا ولا وجبه مع بعض من يوم تزوجنا والآن لي سنه تخيلوا كيف عايشه أسم متزوجه بس علشان هالمشكله الجنسيه؟؟
وكل ماأقول شيء يقول ماتوفقنا والأنفصال خيرآ..

أسألكم مو أنا مظلومه ولو سمحتوا الله يعافيكم اللي بترد رد جارح وقاسي لاترد فقط تدعي لي وبسلأن اللي فيني يكفيني ..
أنا الآن عند أهلي لأني ناقشته وزعل..

برأيكم من الغلطان مع العلم أني حاولت احل هالمشكله بس للأسف ماقدرت..

ساعدوني أبي رأيكم بصراحه..
هل الزواج فقط هو الناحيه الجنسيه فقط؟و بيننا للحين حواجز وكثير كلموه من أهلي أنه يغير طريقه معاملته لي بس هو مقتنع أن اللي يسويه صح..

أنتظر ردودكم ونصايحكم لأختكم وجزاكم الله خيرآآ..