على فكرة لاختصار وقت الطبخ ...خذي كميات.مثلا عشرة دجاجات قطعيها ونظفيها وكل دجاجة في كيس وعلى الفريزر..البصل جيبي كيس كبير قشريه وافرميه في الفرامة وفي اكياس صغيرة وفي الفريزر..وممكن تعملي كشنة بكمية كبيرة وخليها تبرد وقسميها وخزنيها في الفريزر..الخضار مثل اجزر والفاصولياء والبامية نفس الطريقة .الورقيات تنغسل وتنقع في موية وملعقة خل ربع ساعة وتشطف وتجفف وفي علب بارضيتها منديل وفي الثلاجة..يختصر لك وقت الطبخ كثير.

ماقصرتو كفيتو ووفيتو الله يحفظكم ويسعدكم جزاك الله خير

Mom الله يسعدك ياقلبي مثل مااسعدتيني

ويسعدك كمان..احنا في خدمة الطيبين..عندي لك شوية افكار ان شاء الله تنفعك.
اشتري لك دفتر كبير ابو سلك .يكون شكله جميل.حطيه على الكمودينة اللي جنب السرير مع قلم طبعا...وكل ليلة اكتبي الاعمال اللي بتنجزيها بكرة .اكتبيها في نقاط .ومن تصحي من النوم اقري اللي كتبتيه وابداي بالتنفيذ .وكل ما خلصتي شغلة سوي اشارة صح ... مرة الحركة هذي تنشط ..
خذي تقويم من المكتبة اللي يجي صفحة وحدة كبيرة فيها كل ايام السنة .حطيها على الثلاجة.وجيبي قلم وسوي اشارة على الايام المهمة..مثلا مواعيد تطعيم الصغار...مواعيد الاختبارات...موعد عند طبيب الاسنان مثلا .مواعيد الزيارات....عشين كل ما دخلتي المطبخ نظرة سريعة تتذكري مواعيدك.وما يفوتك شي.

دفتر صغير وقلم في المطبخ او في غرفة المعيشة اللي تجلوا فيها دايما ...اكتبي فيه كل ملاحظة ...وكل مقاضي البيت الناقصة.

بعض الاغراض ممكن تاخذيها بالجملة .مثل الصابون .المنظفات.صابون اليد .مناديل الورق.الزيوت .الحليب . المعلبات...لو عندك مخزن ...المهم تحفظيها بعناية حتى ما تلروح هدر ...مثلا الكلوركس صبية في قوارير صغار .وحطي كمية صغيرة منه في بخاخة مع موية وحطيها على الحوض في المطبخ .اذا قطعتي دجاج او لحم اغسلي الاواني اللي استخدمتيها وبخيها بخلطة الكلور واتركيها مدة قبل لا تشطفيها حتى تتعقم...قبل النوم رشي حوض المطبخ .عشين يتعقم وبكرة اشطفيه.بس انتبهي لملابسك.لا تتبقع .المفروض تلبسي في المطبخ مريلة وقفازات للحماية.

قبل يوم الاجازة .سوي حمام زيت لشعرك .وتقشير للجسم..وترطيب عميق ..يعني اهتمي بنفسك...وجهزي ليوم الاجازة...اذا عندكم رحلة جهزيلها واكتبي في الدفتر احتياجاتكم .وكل ما جهزتي شغلة اشطبي عليها .حتى لا تنسي شي .حتى لو فيه سفر نفس الشي ..وبكذا تستمتعي باجازتك بدون تعب كثير.وتتفرغي لزوجك واولادك.

لو بكرة جمعة..شيكي على ملابس زوجك واولادك وجهزي البخور والعطر .خلي يوم الجمعة اكثر تميز وروحانية ..من الصباح شغلي القران في البيت .وجهزي الحمام بالشامبوهات وااليف ومناشف نظيفة والصوابين ...وبخري البيت وملابسهم..واول ما يطلعوا لمي الملابس والمناشف وعلى سلة الغسيل.ونظفي الحمامات تنظيف سريع ..ولما يرجعوا بعد الغداء خلوها جلسة ذكر وقراءة قران وقصص عن السيرة النبوية والصحابة وتذكير بالاخلاق الحميدة..

ان شاء الله كل ما اتذكرت شي باكتب لك ......تقبلي تحياتي

مشكوره خيتي والله ماقصرتي الله يحفظك وتسلمين ع هالدعاوي الحلوه امين يارب