خواتي ماسجلت هنا الاابي اصير وحده منكم استفدت واجد منكم اتصفح واقرا مشاكلكم وادعيلكم وانا من زمان متابعه لكم
خواتي انا ساكنه بقريه وحالتنا انا وزوجي على القد عايشين على الضمان ومستورين وزوجي عنده غنم وعايشين الحمدالله
الحين صرت اشوف الناس تطورت خاصه الي بالمدن بيوتهم وحياتهم مع اني ماانزل كثير لهم وانابيتي على قدنا وظروفنا على قدنا بيتي ماغير فرشه وعيالي ينامون بالارض غير لحاف ومخدات الحمدالله لمااشوف اهل زوجي واهلي لما يجون لنا القريه ماشاءالله اشوف لبسهم وجوالاتهم وظروفهم حلوه ولبسهم شياكه انا ماالبس غير جلابيه وشعري لافته ببكله او رابطته ببنسه ونظيفه الحمدالله بس لما اشوف الناس وصلت لسطح القمر وحنا مثل ماحنا ماانكر انه فيه تطورات في بنات القريه لانهم بالجامعات ويختلطون بالبنات وصار فيه تغييير
الحمدالله بس انا من زمن الطيبين على النيه ولاالبس زيهم اولا لان ظروفنا ماتسمح ياالله على الضمان والغنم نفسي البس واشتري واتشيك بس الماده قليله ياالله تكفي حتى والله اسنوني يبيلها تنظيف وحشوات وتركيب بس مافي شي وزوجي كبير على مشارف السبعين وياالله يشوف لمايسوق وانا ما بقي شي على الخمسين تعبت من كثر التفكير مافي تطورات بحياتي لافبيتنا ولابلبسنا ولابحياتنا ياالله نلقى الي يكفينا
وانا الحمدلله درست بس ماكملت دراستي غير بنتي تعلمني بعض الحاجات الي مااتقن فيها من قرايه وكتابه والحمد الله
مشيت فيها حتى هي الي سجلت لي بعالم حواء
سوالي هل فيه مثل حالتنا وعيشتنا يالي ساكنين بالمدن
حتى الي بالمدن لما ينزلون يمنا يقولون عندكم راحه عجيبه
على البساطه ويقولون احسن من المدن وفوضيتها مايدرون اني ودي اسكن مثلهم
اختكن بنت سعده
بنت سعده @bnt_saadh
عضوة جديدة
يلزم عليك تسجيل الدخول أولًا لكتابة تعليق.
نجد 200
•
الله يرزقكم
قولي الحمدلله بصحه وعافيه وبيت يأويكم ومعك جوال ونت وضمان
شوفي المشردين من الحروب وشوفي المستشفيات والمرضى اللي ينامون تحت الاجهزه وبالمهدئات لو قارنتي حياتك باللي اقل منك بتحمدين ربك الف مره
(ولأن شكرتم لأزيدنكم )
شوفي المشردين من الحروب وشوفي المستشفيات والمرضى اللي ينامون تحت الاجهزه وبالمهدئات لو قارنتي حياتك باللي اقل منك بتحمدين ربك الف مره
(ولأن شكرتم لأزيدنكم )
بنت سعده
•
قولي الحمدلله بصحه وعافيه وبيت يأويكم ومعك جوال ونت وضمان شوفي المشردين من الحروب وشوفي المستشفيات والمرضى اللي ينامون تحت الاجهزه وبالمهدئات لو قارنتي حياتك باللي اقل منك بتحمدين ربك الف مره (ولأن شكرتم لأزيدنكم )قولي الحمدلله بصحه وعافيه وبيت يأويكم ومعك جوال ونت وضمان شوفي المشردين من الحروب وشوفي...
الحمدالله ياخيتي
والضمان مايجيني منه ريال كلها لزوجي
الحمدالله
والضمان مايجيني منه ريال كلها لزوجي
الحمدالله
الصفحة الأخيرة