السلام عليكم

كيفكم اخواتى
الله يسعدكم يا رب
حابه استشيركم فى امر وما خاب من استشار
انا اتصلوا عليا بالامس جمعيه كنت مقدمه فيها اوراقى من سنه حتى اشتغل عندهم
وفرحت ورحت
الاول حكوا لى انه ما راح تاخدى اجر لانه الميزانيه عندنا صفر لما يكون فى ميزانيه بتاخدى اجر حكيت مو مهم المهم الخبرة والشغل
بس لما روحت البيت سالت عن الجمعيه ومديرها ما حدا شكر لى فيها والكل ذم فيها ورحت اليوم وحكيت لهم انى ما راح اكمل عندهم حتى يشوفوا غيرى وما يتعطلوا
هل انا غلطت انى وعدتهم بالاول وهلا خلقت وعدى بس انا لانى ما حدا شكر لى فما حبيت اكمل
وبعدين المدير قعد يمدح فى جمالى واخلاقى وانه اختارنى للشغل لانى جميله لما شاف صورتى حتى اكون واجهه وما بعرف شو يعنى كلامه كتيييييييييييييييييير وما عجبنى وبيضخم الامور عن العمل فى الجمعيه وانا بسراحه محتارة
وحكيت لهم بالاخر بكرة برد عليكم اعطونى فرصه افكر لانى بدى اسال ابن عمتى كمان لانه بيعرف المدير معرفه شخصيه لو مدح لى فيهم بتوكل على الله والرزق على الله ولو اكد لى الكلام اللى سمعته خلص كمان الرزق على الله وما بروح
شو رايكم
انا حاسه انى غلطت وخايفه ربنا يحاسبنى انى وعدتهم اشتغل وهلا لا بس لانى ما حدا مدح لى فيهم حتى اكمل والشغله مو بس انى اطلع والاسم بشتغل بكفى انه ما فى مقابل كمان المكان يكون مو كويس وانا بنت يعنى الحمد لله لازم اكون محافظه على نفسى واسمى واسم اهلى وعيلتى والا شو رايكم
انتظر ردودكم على احر من الجمر لانى راح ارد بكرة او بعدة بالكتيييييييييييييير
ودمتم