السلام عليكم.. أسلوب أمي والتفرقة بيني وبين أخواتي بالمعاملة

انا يابنات عندي مشكلة متعبتني من زمان ومالقيت افضفض غير هنا مافي احد يعرفني انا مطلقة وعندي اطفال الحمدلله ع كل حال راضية بنصيبي في هالدنيا واللي كتب ربي علي وماافكر اتزوج ابدا مرة ثانية من كرهي للزواج والرجال مو هذا موضوعي موضوعي اني انا ساكنة ببيت أبوي بيتنا كبير مع امي وأختي وأطفالي ويعلم الله اني مو مرتاحة ولاذقت يوم راحة من يوم انا طفلة من من كثر ماتفرق امي بيني وبين اخواتي وهالشي من طفولتي وانا أعاني الحمدلله ع كل حال وصابرة وبالعة الظيم اقول هذي امي ولازم اتحملها ويشهد الله انها ماتشوف مني غير حاضر وابشري حتى عيالي يحبونها ويحترمونها بس ابد ماتشوف الا اخواتي اللي قسم بالله مايعرفون للاحترام طريق وهمهم انفسهم والله أطفالي ينقدون معاملتهم ويسألون ليش كذا يعاملون جدة بس نتغاضى وأقول بيني وبين نفسي من ظلمها لي ربي مسلط عليها هالبنات مو شماتة بس لأني أعاني وماحد يحس فيني مسؤلية البيت كلها ترتيب تنظيف علي أغراض وفواتير وراتب السواق وكل شي وان ساهموا بشي قليل بس الشكوى لله مصروف عيالي وراتبي كله بهالشي ولو تكلمت قالت كفاية متحملة عيالك وأبوهم هايت قلت عيالي قبل كل شي ومستحيل أفرط فيهم لو ننام بالشارع وقلتلها بسكن بيت لحالي جنبكم ولايصير لأحد فضل علي قامت تبكيك وتقول بتتركيني ومادري ايش واخواتك بيتزوجوا هذي نهاية تعبي فيكم الزبدة لأهي اللي مخليتني ارتاح واعيش بسلام بدون مشاكل ومنة ولامخليتني اطلع ببيت لحالي لان ظروفي تسمح الحمدلله وكل يوم ادفعي جيبي انا محتاجه وكلها كماليات ولو محتاجة بعطيها عيوني بس لانهاتضيعها ع اشياء تافهه و راتبها وراتب اختي ع اختي وملابسها والماركات وجوالات ومطاعم وطلعات ومستحيل تقولها لا او تحاسبها ولو تكلمت قالت تحسدين اختك احسد ايش طيب وانا مين يحس فيني والله ماتضحكك ولاتسولف وتعطيني وجهه الا اذا بغت شي ووقتهاكله تعاملني كأنها مرت أبوي طبعا هالشي من زمان وانا طفلة بس انا هالحين احسني ماصرت أتحمل اكثر من كذا وفعلا من داخلي مالها اي مشاعر بس احاول اسلك لهم ماابي فضايح ونشمت الناس فينا لان كلهم شايفين اننا العائلة السعيدة استغفرالله بس جد انا تعبت من اسلوبها السئ معاي بدون ذنب في الدنيا ليش تستغل وضعي كوني مطلقة وعيالي معاي مشكلتي مالها حل ابد زواج هالشي مستحيل اصلا مجرد اتخيل الفكرة ابكي واطلع بيت لحالي حرام بالنهاية اتركهها لحالها قلبي مايطاوعني لان اخواتي مافيهم خير ولادروا عنها ولو اتكلمت معاها بنظرها اني حاسدة اختي ومااتمنى لها الخير استغلالهم لي ذبحني احسني صرافة وخايفين يفقدونها ودايما تقول انا اولى بفلوسكك من عيال الناس اللي هم عيالي ماحسهم يحبوني او يتمنون لي الخير ابد الحمدلله عندنا خير وربي موسع علينا منً بعد وفاة أبوي بس عيونهم ع اللي عندي لاحد يقولي هذي إمكك وبريها عارفة هالشي بس امي غير رضاها مرتبط برضى اخواتي لو راضين عني تسير راضية ولو زعلانين ياويلي منها ماالقى منها الا أسوأ معاملة مايرضيها شي ابد مهما أعطي وأعطي تبي زود ليش الطيب بهالزمن يصير فيه كذا والخبيث يعيش لاتقولون صيري قوية ماااقدر اصلا أواجهه او أتكلم من زمان عودتني كذا لو اموت مستحيل اطلب مستحيل أعاتب ومستحيييييل ارفض مااعرف اتكلم او اعبر عودتني اللي عندي مو لي لاني الكبيرة تدرون انا بس لو أشوفها تضحكك انبسط بس دايما مكشرة واذا جات وحدة من اخواتي شوفوا الضحك والوناسة وبنفس الوقت اخواتي كل وحدة ع جوالها تكلم خويهها وامي مو مصدقة انهم معطينها نص وجهه ترى جد هذا اسلوبها اللي تعببببني طبعا اخواتي وحدة متزوجة والثانية لا معانا بالبيت عشان تكونون بالصورة غيرت أسلوبي مادرت عني اهم شي عندها ادفع خلاص بجهنم انا تدورين اني اشتاق للكلمة الطيبة للمعاملة الحسنة نفسي اسمعها تدعي لي ترى عادي مع اخواتي والنَّاس اللي. برى لطيفة ولسانها ينقط عسل لونادتها اختي تمسج لها جسمها تقولها أبشري من عيوني بس انا فلانة جيبي حطي سوي ادفعي حرام حتى اسمي ماتنطقة تناديني يابنت مابغاها تمسجني بس ابي احس انها امي مو مرت ابو ي ابغى حل يابنات قلبي وجعني منً هالعيشة حسبي الله ونعم الوكيل