السلام عليكم اختي اسوار ارجو منك الدخول

السلام عليكم ورحمة الله وبركاته
ارجو منكم افادتي ابي حل لنفسي
انا عمري 25 تخرجت من الجامعه بمعدل مرتفع ماشاءالله
وكل من شافني قال حظ اللي بياخذها
كنت احس بضيقة ايام الجامعة وتجيني حالات بكى مو طبيعي والله تمتلي السجادة دموع وانا ساجده من الهم اللي انا فيه
ماني قادره انبسط الحمدلله مو ناقصنا شي بس فيني هم مايعلمه الا الله
ابي افرفش وانبسط زي هالبنات وجهي ذبل من الهم وعيوني تجعدت من البكى احس بضيقة بتفجرررني شي غير محتمل
عيوني تغرغر لو احد يسالني وش فيك احس دموعي على جريف
وتطور الوضع قبل سنتين احس برغبة بالجماع وشوي وشوي طحت بالعاده السرية الله لايبلى كل مسلم فيها
احاول امنع نفسي ماني قادرة احس بنبض بجسمي كله وبالذات هذيك المنطقة
تعععبت تعببت تعببت من حالي
ادعي ربي ان الله يعفني بالزوج الصالح كل من شافني مدحني وقال حظ اللي بياخذها ومحد يخطب مع العلم كل اللي حولنا عندهم عيال بسن زواج واسمعهم يدورون لعيالهم نفس مواصفاتي ولااحد يفكر يخطب كن بصرهم معمي عني
يعني يقولونها بوجهي حظ اللي بياخذك واحسهم من جد يحبوني بس محد يفكر يخطب بالعربي حالي واقف
لي ثلاث سنين متخرجة من الجامعة لا وظيفة ولاماستر ولازواج مع ان كل المواصفات مجتمعه فيني مااقول معدلي مقبول ومالقيت وظيفة
والله اني امتياز مع مرتبة الشرف ماشاءالله واعرف صديقاتي اقل مني بكثير والله يهنيهم يارب موظفات ومستقرات ومتزوجات
انا عالجت عند الشيخ العمري بجده وعطاني عسل وزيت وقالي كثري استغفار وعالجت عند معالجة شعبيه وقالت لي حالك واقفك لازواج ولاوظيفة فيك عين وحسد قوي صاير زي الحلقة عليك
وحاليا طالع شي جديد احس كن معي احد بالسرير شفتوا البزر اذا قام يناقز على السرير كيف يتحرك
زي كذا فراشي وانا نايمه اقوم على الهز والمناقز تععععبت ماني قادرة اتحمل
دهنت بمسك اسود وزيت وقريت البقرة وووتري محافظه عليه واستعملت خلطة الرومي ومااتروش الا بموية وملح وتبخرت بحرمل وملح خشن وحبه سوداء وشذاب
والحمدلله على كل حال مافي شي تغير
انصحوووني وش اسووي دلوني على الطريق الصح انا تععبت ماعاد اقدر اتحمل نفسيتي مره تعبانه خايفة من نفسي على نفسي