عواطف تركي :

تعوذي من الشيطان فعلاً هذا وسواس بالموت وممكن يصادف معه حسد او عين او اكتئاب وتوتر وقلق شديد انا مريت فيه فتره وتعبت منه مثلك الى ان تدهورت حالتي وصرت احس بتنميل وكتمه واستقبل القبله واتشهد انتظر روحي تطلع استغفر الله فتره صعبه جداً ثم صحيت لنفسي وعرفت ان هذا الشيطان الرجيم يوسوس لي ويحاول يحزن قلبي ويعطل حياتي وصرت اقول لنفسي انا مؤمنه بالله واعرف ان كلنا بنموت اذا ربي أمر ان هذا يومنا ليش انا اتصارع مع الافكار واسوي كذا وليش اجلس انتظر واحزن اذا انا بموت وبروح لارحم الراحمين وانا ماظلمت ولا اذيت احد ولا في رقبتي حق لاحد واعبد الله وحده لا شريك له ليش اخاف ؟!! واتخذت قرار اني اتجاهل هذي الافكار اول ماتجي ببالي واطنشها ولا حتى اناقشها بيني وبين نفسي ، مباشره اتعوذ من الشيطان واستغفر واسبح وافكر في شي ثاني سعيد او اقوم اخلص اي شغله وكنت اكرر على نفسي كلمات ايجابيه خاصة التأمل والتفكر في اسماء الله وصفاته الحسنى والبحث عن معانيها وصرت اشغل وقتي واغير نظام حياتي يعني ضروري يومياً انجز شغله او اهرول او امشي سريع تحت الشمس البارده واتنفس واحرك جسمي ودمي ويوم بعد يوم الحمدلله تخلصت من الوسواس وارتحت وترى حتى القران تجيك ضيقه يمكن لانك حاطه في بالك انه فيك شي ، ولو انك وضحتي الايه اللي تتعبك اذا سمعتيها ممكن نقدر نساعدك اكثر .. لان القران مصدر اطمئنان وانشراح وسكينه للقلب والروح وانصحك روحي افحصي الفيتامينات والمعادن بجسمك وكذلك الغدد والهرمونات ممكن يكون عندك نقص او لخبطه مسبب لك كل هذي الاعراض والتعب .

تعوذي من الشيطان فعلاً هذا وسواس بالموت وممكن يصادف معه حسد او عين او اكتئاب وتوتر وقلق شديد...