شيماء العبيدي
•
الله يرزقنا واياكم بالذرية الصالحة امين يارب اشكركم جميعا على مشاعركم الطيبة الرائعة تجاهي
monsaf
•
الجود*** :
الله يرزقك يااختي ويرزقني ويرزق اخواتنا في عالم حواء قولي آآآآآآآآآآآآآمينالله يرزقك يااختي ويرزقني ويرزق اخواتنا في عالم حواء قولي آآآآآآآآآآآآآمين
تصدقين من شفت اسمج وقريت العبيدي قلت اكيد عراقيه
من دخلت وقريت تاكدت
حبيبتي انتي تعرفين المؤمن مبتلى
ومن شاف مصيبه غيره هانت عليه مصيبته
دخلت السنه الثامنه بدون اطفال
صار عندي حمل لكن اسقاط كالعاده
وربي ما ظل دكتور ما رحت له
رحت المانيا قال ما بيج شي
رحت تايلند قالي ما بيج بس السمن مأثر عليج
رحت لبغداد طبعا ما لقيت لا دكتور صالح ابراهيم ولا قيس كبه كلهم طافرين
بس دلوني على دكتور مشالله عليه اخلاق وفهم بالحارثيه كان اذا تندليها ورحت لها قالي هرمون الحليب مرتفع جدا
عطاني حبوب اخذت نصهم بالعراق ونصهم كملتهم هنا وكنت دائما على اتصال بيه بس صار سنه من هجروه من بيته واخذوا العياده والمستشفى وقبل فتره دخل على النت وكلمته قالي اني مو ابغداد من استقر ادزلج رقم تلفوني
وبهولندا علاجي ماله اول من تالي وكله يقولولي مابيج شي وهما لعبوا بيه لعب والله سووني فار تجارب
قبل كم يوم امي قالت لي اكو مستشفى خاص بسوريا ما دخلت لهم وحده والا وطلعت حامل اقل شي بثلاث توأم وقالت التكلفه الكامله تقريبا 25 كامله من كله
لكن اني هسه مقرره اروح الكويت اذا الله انطاني عمر
لان والله تزوجت وعمري 19 وعلى يابو صغيره وبعدج والله بيعوضج ومرت السنين وهسه 27 سنه بدون اطفال مدري شوكت احمل واربي اطفالي على طاعه ربي سبحانه
شوفي هذي جزء بسيط من حالتي
وفي غيري اسوء بعد
لا تيأسين من رحمه ربي سبحانه
الله يرزقني بالذريه الصالحه انا وياج وامه محمد بحق لا اله الا الله
الصفحة الأخيرة