هلا بكم خواتي
انا اخت جديده حابه انضم لكم وانشاء الله تقبلون فيني اخت بينكم :)
واخترت قسم الحياه الزوجيه لانه اكثر قسم كنت محتاجه له واستفدت بشكل ماتتصورنه منه لله الحمد ثم لكم الشكر والله يجزيكم خير ويزيدكم علم وتوفيق وسعاده
خواتي ابي اعرفكم على نفسي اولا
انا عمري 25 سنه متزوجه وزوجي قريب من عمري بعد بس لسا ماعندنا اطفال ( ادعوا لنا بذريه الصالحه الله يرزقكم ولا يحرمنا آمين)
حابه استشير المتزوجات بخصوص الخدم لاني طلبت شغاله فلبينيه واخترتها بنفسي وشفت صورتها وخترتهامسلمه مابعد اشتغلت قبل ابدا ولسا صغيره يعني في العشرينات قريبه من سني ولسا ماتزوجت افضل برايي الوالده
وترا انا عايشه مع زوجي في فله والمطابخ والمجالس كلها برا لان فلة ابو زوجي وابوي وعمي الثالث كلنا بسور واحد ان شاء الله تكونون فهمتم يعني اربع فلل سورها واحد
وكل فله مطابخه ومجالسها برا مقابلتها يعني الخدم اغلب الوقت برا عند المطابخ وكل الخدم اندنوسيات جدا سبق لهم العمل ونظافتهم واسلوبهم مو عاجبنا كلنا علشان كذا جبت فلبينيه خاصه لي علشان ماتعرف لهجتهم ولا ياثرون فيها
المهم بعد اسبوع بتجي الشغاله وابي نصائحكم من ناحيه
اولا الدعاء الي المفروض اقوله ونا حاطه يدي على راسه لاني قريته قبل كذا وللاسف نسيته ؟؟
ثانيا بخصوص شنطتها واغراضها كيف اشوفها وكيف اغير لها الشنطه بشنطه من عندي بدون اقفال ؟
ثالثا متى احدد لها شغلها علماا ان الطبخ علي انا ماعدا الاشياء الخفيفه اخليها تسويها
رابعا كيف احدد تعاملها وجلستها مع شغالات اهلي واعمامي ولو انها ماراح تعرف لهجتهم؟
وايضا جهزت لها غرفه صغيره مرتبه بعيده مره من غرفتي الخاصه وجناحي الخاص كله
بس افكر احط في غرفتها الكوايه علشان الاقي لي عذر ادخل عليها متى ماحبيت ولا وش رايكم ؟؟
انتظر ارائكم جزاكم الله خير وتاكدوا اني احب اسمع خبرات غيري واخذ منها مايفيدني وادعي له من كل قلبي :)
واعذروني لان اسلوبي مشتت لاني ول مره اكتب في منتدى صراحه عن شي يخصني :(
انتظركم يالغاليات :26:
...¦¶ تـسـواهـن ¶... @tsoahn_1
عضوة فعالة
يلزم عليك تسجيل الدخول أولًا لكتابة تعليق.
lawsi
•
حياك الله اختي
تسواهن بيننا
والله يرزقك الذريه الطيبه
وانا رايي من رأي السمسومه
لماذا خادمه من الان
هل أنت عامله بدرجه تمنعك من اعمال المنزل
والخادمه فعلا ستضيق عليكم خصوصا انها لن تجد شغل كثير عندك
على العموم انت اعلم بظروفك ومدى حاجتك لها
تسواهن بيننا
والله يرزقك الذريه الطيبه
وانا رايي من رأي السمسومه
لماذا خادمه من الان
هل أنت عامله بدرجه تمنعك من اعمال المنزل
والخادمه فعلا ستضيق عليكم خصوصا انها لن تجد شغل كثير عندك
على العموم انت اعلم بظروفك ومدى حاجتك لها
هلا بك يااختي انا مع السمسومة ماله داعي شغاله وانتو اثنين بس صدقيني مارا تاخذين راحتك في اللبس في بيتك وسلامتك:11:
مرحبا اختي السمسومه والاخت المشرفه LAOSI والاخت طاقيه
لا بالعكس خواتي انا جدا بحاجتها لان الفله دورين وكبيره
والطبخ زوجي يرفض ياكل من يد الشغالات فانا اطبخ له غداه وعشاءه لوحده تصوري
فا لازم الشغاله تغسل من بعدي مثلا تنظف البيت تغسل الملابس وباقي الوقت بخليها تكون عند الوالده تشوف طلباتها
ومثل ماقلت لكم غرفتها بعيده وبرا الفله الي انا فيها غرف الخدم بعيده شوي عنا جهة المطابخ يعني باخذ راحتي في بيتي ولا كاني جبت شغاله اصلا
فارجا خواتي انتظر نصائكم بخصوص اسئلتي !!!!
انتظركم :26:
الصفحة الأخيرة
ياليتك ماقدمتى على هالشغاله انتى منتى في حاجتها لانكم شويين وراح تضايقك بلقافتها
وتصيرين مراقبه في تصرافاتك وماراح تاخذين راحتك في بيتك
وانا من رايي تعطينها احد من قرايبك هاذي نصيحتى لك
والله يوفقك