السلام عليكم ضروري كلكم بنات ابي حل

بسم الله الرحمن الرحيم // الصلاة والسلام على اشرف الانبياء والمرسلين سيدنا محمد وعلى اله وصحبه اجمعين 




بنات انا من زمان اتابع المنتدى هذا وكسبت منه الشي الكثير والمفيد بس صراحه انا بمشكله كبيره وابي رايكم انا مقهوره ومتوهقه عشان كذا انا سجلت عضويه بهالمنتدى الجميل 




بنات انا اول شي عمري 18 وقبيليه وتعرفون بعض العوائل والقبائل للاسف البنت مالها راي وانا اكون صريحه معكم انا وحده من هالعوائل 




بدخل بالموضوع انا احب ولد عمي عمره 23واموت فيه بدات القصه انا كانت عندي مراجه لمستشفى وهو موظف فيه اداري بحكم انه ولد عمي امي قالت نروح عنده وهو يمشي امورنا انا شفته وهو شافني وجاني شعور غريب من نظراته وهو خلوق ومحترم ويصلي ف كثرت مراجعاتي عندهم وكان يوم يعرف اني موجوده يجي ويسلم علي ونظراته فيها شي ومن بعدها خواته يجون عندنا بالبيت وينغزوني يقول شافك وشكله يحبك وكله يسال عنك انا كذا قمت افكر وتعلقت فيه وامه مره قالت بس يخلص بيته نبي نزوجه وتطالعني يعني واضحه واتابع حسابه بتويتر (( بحساب رجل طبعا )) الرجال مضبوط صدق انه حلو لكن ماله بالخرابيط وصرت يوميا افكر ولايغيب عن بالي وصار كل فتره يجي عندنا يتقهوى مناسبه ولا من غير مناسبه حتى مره عرف اننا بالسوق وجا للسوق وشافنا وسلم علينا يعني صدفه هو الوحيد الي جذبني صراحه وصرت ماشوف الا هو ولا اتخيل بحياتي اني اشوف غيره مشت الايام جتني اضافه منه هو بالبلاكبيري قال بس بسبم عليك واتطمن وبعدها قال انا الحين بحذفك عشان محد يفكر تفكير سلبي تجاهنا صرت احله ويحبني وقبل اسبوع كذا صصصصصصدمه عمري جا ولد عمي الثاني وخطبني وفوق هذا وافق ابوي على طول !!! انا بنات احس اني بنهار مقدر اقول لابوي لا اخاف مخي وقف عن التفكير عطوني حل وقلت لاخته ترا خطبني فلان ماردت علي وبعدها بيوم ردت من غير نفس اقول لها تعالي عندي تعبانه انا تقول مشغوله اول مره كذا تعاملني لان كانت كله تقول انتي شاغله تفكير اخوي وتضحك مفكره اني انا رافضه اخوها يابنات كيف افهم امي وابوي اني مابغاه وكيف  اوصل للعائله كلها اني ابي فلان بس اخاف يسوون لي شي اخاف بعد تصير مشاكل كبيره بنات افيدوني جزاكم الله خير والله تعبانه حيل