استخيري
ماندم من استخار مو مرة ولا ثنتين كثري الين يكتب اللة لك الخير فية . والخيرة فيمااا اختار الله الغالية اخوى متزوج على زوجته وكل وحده فمكان بس كل وحده وشطارتها الغالية بس اول شي استخيري ربج والله يوفقج

اختي الحبيبة
والله حاسة فيكي وعارفة انه مصيبة البنت ان اهلها يجرحون فيها
وهذا والله القهر تصير الوحدة مضطرة تخوض اي تجربة عشان تفتك
وترى فعلا لو رضيتي ووافقتي بترتاحين من كلام امك الله يهديها
لكن ....أتوقع اللي بتواجهينه مو محتمل
انتي مالك ذنب انه تأخر زواجك ومالك ذنب انك صرت زوجة ثانية
بس تراه موقف عصيب , عندي صديقة مايعيبها شي جمال واخلاق واناقة وملح بس سبحان الله جاها النصيب متأخر من واحد متزوج مالت عليه انهبل يوم شافها وطق لها ذاك المهر وذاك البيت وشهر عسل
بس اللحين تقول موب لمي همه زوجته وعياله ودايما يقارني فيها
دايما يعايرني اني كبيرة وانه يوم تزوج كان اصغر منها
صراحة حياة فعلا لا تطاق
الله يعينك
استخيري واستخيري وادعي ربي بقيام ليل انه يرسلك ابن الحلال اللي
يغنيك عن اهلك ويرفع قدرك
والله اختي الله يحفظها ويخليها ضاقت عليها مرة وعدى العمر وجاها المتزوج وبكت وهي مو مصدقة انه نصيبها ورفضت والكل يلومها ويقول احمدي ربي
يارب كل الحمد, قامت رمضان بصلاة ليل وارسلها ربي زين الشباب وهي اللحين معاه لحالها بلا ضرة بلا عيال بلا هم
الله يوفقك

الله يوفقك ياأختي ويشرح صدرك للصالح من أمرك
شوفي أختي والله مامثل الاستخارة والدعاء واللجوء لله خاصة في الثلث الاخير تناجين ربك بقوة بعيد عن ضجة الخلق
وتذكري نصيحة الرسول صلى الله عليه وسلم فيما معناه
احرص على ماينفعك واستعن بالله ولا تعجزن )
يعني احرصي على ماينفعك أولا ... وتوكلي واستعيني بالله الذي شرع التعدد وهو أعلم بما هو أنفع لنا ....
ياأختي لو بنطالع رأي كل أمرأة في التعدد كان ينبغي نلغي والعياذ بالله شرع الله ونحرم الحلال ....
ياليت الي ينصحك باجتناب هذا الطريق يضع نفسه مكانك ويتقي الله ,,,, أنتي مافعلتي حرام ,,,هذا شرع دين... نافع لكل زمان ومكان ....وليس قانون بشر يتلف مع الزمان ...
اسمحي لي ولاتزعلين حتى لو أختك !!!!
الحين كل وحده تحس أنها بأمان مع زوجها وتمارس أمومتها ومايلائم فطرتها ومستقرة نفسيا وجسديا
وكل وحده بحضن زوجها ,,, وتنصح الاخريات بالجلوس مع الوحدة القاتلة ,,,
يأأختي مو كل وحدة تبي تتزوج يعني تراكض ورا الرجال ,,, لكنها الفطرة مانستطيع نغمض عيننا عنها ...تريد الاطفال والاستقرار ...
وبعدين ياما متزوجة تكلمت بعوانس قبلوا بمتزوجين وشالوا وحطوا فيهم ,,كأنهم مرتكبين محرم
ومادروا أن الزمن دوااااااااااار...
يعني ماتضمن الوحدة تفقد زوجها لاسمح الله في غمضة عين وتضطرها الظروف أنها تتزوج بعده ,,
وياما سمعنا الي أخذت أخو زوجها وغيره وغيره بعد وفاة أو طلاق ,,,
الدنيا ماتنئمن ومو كل وحده متزوجة ضامنة الخلود ..
طولت عليك ,,, بس أبقولهم الي يده بالنار مو مثل الي يده بالمويه ,,,
وأحب لاخيك ماتحب لنفسك ...
وهذا شرع الله ,,,
وأما مسألة التوفيق فهي بيد الله وحده سبحانه ,,
يعني كم وحدة أنتظرت شاب وبالاخير وراها نجوم الظهر
أو طمع فيها أو يضربها أو طلع صاحب سوابق ...
وياما من أخذت متزوج وتوفقت بإذن الله ,,
يعني السلبيات واردة هنا وهناك والايجابيات كذلك ..\
ومشاكل المنتدى خير دليل على ذلك
الله يوفقك ولايحيرك

أختي بذكرك أهم شئ السؤال عن الرجل وعن دينه وأخلاقه
يعني إذا فيه مميزات استخيري وكثري من الدعاء ..
يمكن بعض الخوات ينظرون لوحده... ثنتين ...رفضت متزوج وبالاخير ربي جاب فارس أحلامها ,,
لكن ودي أقول أختي كم عدد هالمحظوظات ؟؟؟؟؟؟؟
أنا أشوف بنت خالتي عدت الاربعين ياقلبي وهي بس شايله هم أخواتها وحريم أخوانها وكلام الناس
لايقولون أخذت متزوج وهدمت بيت ,,,,, وبالاخير قعدت لاانتفعت مسكينة ولاأنفعوها
كل وحده ترجع لبيتها ماشاء الله عمران بالامان بالحب والود والامل بالمستقبل والاولاد ,,,
وهي ترجع وحيدة تجر أحزانها ,,,,
أحس الان أنها ندمانه أنها رفضت كم متزوج وعلى دين وخلق ,,
والمشكلة ماتركوها في حالها يقولون مسكينة مالها حظ وبالاخير يهمسون لها بالموافقة على المسيار
بس ماتجلس عانس وبكرة من بيت لبيت بينهم ...
أول مايبون سيرة متزوج والان حتى حريم العيال يجيبون لها واحد مسيار ,,,
يالله وش رأيكم خواتي ,,,,
أنا أقول الخيرة فيما يختاره الله والوحده إذا دخلت بيت وتخاف الله وتتقيه بالزوجه الاولى واولادها ماعليها ضرر بإذن الله ,,,, هدم البيوت تجي من الرجال الي مايعدلون مو من الحريم في الغالب ...
وبعدين إذا ماتزوجك بيلاقي غيرك والبيوت مليانة ,,,
فانت شوفي مصلحتك في رضى ربك وتذكري ان الدنيا ابتلاء ولابد من التضحية والصبر ,,,,
في أمان الله ودعواتك لنا

والله لما أشوف هالمنتدى وقصص الضرب والظلم من الرجال أقول في نفسي غلبوا ظلم ألف ضرة

وربي انك مثلي
انا على ابواب الثلاثين وكانويجوني شباب بس انا ارفض ما اشوفهم مناسبين لي كل وحد فيه شي
صحيح اهلي مايضايقوني بس تضل فيه كلمات تجرح من غير قصد
تعرفين مو قعي بين خواتي كم انا الثانيه الي اكبر مني تزوجت وثنتين اصغر مني والثالثه بكره زوجها عقبال كل فتاه الي انا مستغربته ان اختي الثالثه هاذي متزوجه واحد متزوج وانا كنت رافضته يعني خطبني قبلها هي تقول نصيبي وجاني
تبين الصدق
العمر ينسرق --وغالبا الثانيه كسبانه والحظ لها انا اشوف كثيير
وكان شرط وحده من زميلاتي انها تتزوج متزوج لاكن تزوجت ولد وهي لازالت تقول ياليتني متزوجه متزوج
على بلاطه شوفي ونا اختك
والله والله مايوفق جنبك ولا يخدمك احد لو كبرتي وعجزتي وانتي عانس
انا ما اخوفك بس وربي اول مايعيرك ويتريق عليك خواتك

استغلي شبابك الباقي وجمالك لاغراء زوجك حتى لوكان متزوج غيرك
خواتك يوم رفضوا زواجك من متزوج لانهم خايفين على انفسهم من الضره اسفه اقول عنهم انانيات
انا عايشه في مجتمع فيه المتزوج وحده وثنتين وثلاث
والله والله الثانيه كسبانه بس شويه دلع وحركات وتكوني ملكه
طبعاا بدون مقارنه مع الاولي والرجال اذا فكر بالزواج بيتزوج عليها سواء انتي او غيرك
نصيحه لوجه الله
بس خمس دقايق فكري لو كبرتي شوي مافيه رجال بيطل عليك وهي كم سنه ويقولون لك انتي عجوززز
زي ماقلت لك وربي انك نفس معاناتي بس ان شا الله بستخير واقدم على نصيبي واعرف ان نصيبي متزوج مو شاب

لو تزوجتي بالله ارسلي لي خاص بشريني الله يوفقك