السلام عليكم ورحمة الله وبركاتة

الحمدلله⭐️🤤

-
باقي ماسويت شيء..
أبي هاليومين ارتب مطبخي..
وقبل رمضان بكم يوم بروح أتقضى مقاضي الشهر..
ما أفرزن لأن عائلتي صغيرة أحب اسوي كل شيء بـ يومه..

شيبتي جاب لي بعض لغريضات
وفصلت لي جلابيات لي ولأمي وعبايات لي
واشتريت فرامة لحم وفرمنا وفرزنا كم كيس
واليوم رحت السوق اشتريت مواعين بايركس صغار بغطا
لاني ابعث لبيوت عيالي كل سنه من فطوري يوميآ عاد اشكل لهم مواعين افتح نفسهم
وجبت بهارات وليمون اسود وقهوه وكرتونين تمر واحد لنا والثاني هديه ... لابد يطلع من البيت شي بركة رمضان
وودي اخذ طاولة اكل جديده لكن ايكيا بعيد وركبي ماتشيلني كثير ربع ساعه واتعب ... المفروض اليوم اجيب جهاز الغزال الطائر للتمرين لكن اخذت امبارح جرعة الكوفيد الثانيه وللحين حرارتي مرتفعه وعظامي تألمني وابغى بس انسدح
بنات عادي استعمل الكرسي المتحرك وشغالتي تدفني ؟ ولا ثقيل عليها ... اروح مجمعات بعييييده واذا وصلت حدي محلين واتعب وارجع السياره فكرت بالكرسي المتحرك
شفت حريم كبري بناتهن او شغالاتهن يدفونهن وعادي
وش رايكن ؟ مايخالف شتيت عن السالفه لكن وصلت لهنا

والله اليوم قصدي امر محل معين وياكثر
الناس والزحمه وماقدرت اخذ اللي ابي من كثرتهم
ماشاء الله ، ودي اجهز بس ماحصلت فرصه