السلام عليكم ورحمة الله وبركاتة

السلام عليكم بنات في مناقشة حابه افتحها معكم ماعندي غير الله وانتم الله يفرجها لي يارب ، ببدأ بسم الله الرحمن الرحيم الموضوع عن طفش البيت والزهق والملل خلصنا من تنظيف والترتيب والطبخ اكيد كل وحده جالسة بالبيت تعاني هذا الشي اكيد وانا جد من ضمنهم تخرجت لي ثلاث سنوات ولا عندي اي شغل ولا مشغله وطبعا دخلت دورات بس اكتفيت فيهم يعني احتاج توظيف يوفر لي احتياجاتي صدقوني بنات بحثت وروحي طلعت وانا ابحث على كم وظيفة معينه جربت الحضانه بس مانفعت لي حسيتها ماتلبقلي وانقرفت وكانت تجربه اسبوع فقط ومن بعدها ثلاث ايام وسحبت وبحثت في الكوفيرات النسائية عن محاسبه وكذا بس مع الاسف مو متوفرين عندهم ابد كل شوي التوظيف طالعين لهم حاجه دائما يعتذرون ان مو متوفر الصدمة هنا اكثر من ٢٠ وظيفة والجواب واحد !!!! شي غريب ومو منطقي ابد حسبت في إن بالموضوع طبعا انا تعبت قاعدة ادور رزقي بأي مكان !! الان كيف احلها عجزت قسم بالله وانا ابحث وعندي امل ومتفائلة اخر شي وكأن الدنيا طاحت فوق راسي !!! الله يرزقني من حيث لا احتسب ويرزق الخريجات ومن من حولي ... كلنا محتاجين نوقف على رجلينا ونساند بعض ويكون لها هدف نسعى له ادعوا لي بالوظيفة يارب واقترحوا تحت ايش الوظايف المتاحة بالرياض والله يعطيكم الف عافية انتظر اجوبتكم لان والله سعيت سعي مايعرفه غير رب العالمين ، واغلبهم واسطة هذي وين اطلعها ؟؟؟ ماعندي احد وجربت المولات مع الاسف كل الوظايف كأنها مقفله طيب اكيد كل سنه ورا سنه يحتاجون موظفين كيف كذا لاحول ولا قوة الا بالله شي يعجز عن وصفه كافحت وصبرت الله يرزقني الطاقة واغلبهم الوظايف قبل ماارسل السيرة الذاتية واقول فيه توظيف على طول يقولوا لا قبل ماارسل السيفي ، و الله يرزقني الله يرزقني رزقاً حلالاً طيباً ... واذا انتم مثلي اكتبوا تجاربكم