السلام عليكم ورحمة الله وبركاته

وعليكم السلام ورحمة الله وبركاته
للأسف لا اسكن مكه
للرفع

ان شاء الله يفيدونك بنات مكه والمدينه

اهلا وسهلا بك في بلدك اسال الله ان يتقبل منكم

اولا البهارات

دقة المدينة هذي تستخدم مع الفول تلاقينها عند محلات العطارة وفيه شركات مسويتها
مثل شركة اسناد ومغلفينها



بزار الشوربة وهي عبارة عن بهارات صحيحة غير مطحونة مجمعة كزبرة ناشفة فلفل اسود كمون قرفة كركم وغيره
تستخدم لشوربة رمضان الشوفان وكمان تستخدم لكافة انواع الطبخ تلاقيها في محلات العطارة

ليمون ناشف يستخدم للكبسات والمرق وغيره



موية الكادي تستخدم للكبسات والرز الكابلي والرز الزربيان وكمان نستخدمه للحلويات
مثل المهلبية وحلاوة اللدو واللبنية



حوايج الدبيازة وهي فواكه مشكلة مجففة مع بهاراتها والدبيازة اكلة حجازية مشهورة في العيد
هذي الدبيازة



واذا بلدكم مش بعيد ومسافة الطيارة قصيرة
خذي معك حلويات حجازية وهي اللدو واللبنية وغيرها
محلاتها منتشرة في مكة واشهر محل هو محل ابونار




يتبع

اهلين فيك

انتي من اي دوله

عندنا في جدة دايما شوف المعتمرين يتقضون من المولات بتلقين كل شي

اكيد انتي اذا جيتي مكه بتمرين جدة

تابع

بالنسبة للادوات المنزلية
خذي مبخرة



دلّة




يمكن تلاقين احجام صغيرة مرة كسوفونير وهدايا في محلات الهدايا

سبحة




البخور
معمول رائع تلقينه عند محلات العطور والبخور مثل الماجد الرصاصي عبد الصمد القرشي
بعضها شغل بيت بيد نساء وبعضها شغل مصنع
وتلقين ايضا جاهز ومغلف من شركة بانافع تلقينه عند محلات العطارة او حتى محلات العطور والتجميل العادية



مبثوث ايضا جميل فيه شركات كثير من ضمنها بانافع وعبد الصمد وغيرها



ميزة بخور بانافع انه سعره مناسب وارخص من البقية
ماانصحك بمحل العربية للعود لانه غالي وبضاعتهم سيئة وبخورهم وعطورهم غير ثابته

احسن انواع التمور
العجوة تلقينه في المدينة وكمان ممكن تلقينه في مكة بس غالي شوي
السكري هذا التمر المفضل عندي ويجي مغلف وجاهز في محلات التمور والحلويات
خلاص ايضا جيد ويجي مغلف في نفس المحلات اللي قلت لك عليها

التمر خذي المغلف بهذي الطريقة افضل لك وسهل الحمل في السفر هذي عبوة 1 كيلو




فيه تمر مش مشهور كثير لكن انا احبه مره
تمر نجران يجي مجفف ولذيذ بس يمكن ماتلقينه في مكة و المدينة

وبالتوفيق ولا تنسينا من دعواتك بالصلاح وحسن الختام لي ولعيالي ووالدي