السلام عليكم ورحمة الله وبركاته

اخواتي حابة اختصر قصتي انا طبيبه وانخطبت لراعي غنم مو متعلم واتخرجت فى بلاد الحرب نص شبابها مابين قتل وسرقة ومخدرات وغيره ، ونص ثاني متعلم ومو لقي شغل والباقي مو متعلم وبسيط ويشتغل اي شي مثل خطيبي.. اتخرجت طبيبه بس مااروح العمل اخوتي رافضين يوصلوني للعمل واخواتي متزوجات بيقولي امسكي الاطفال واخدمي وطبخي ونضفي فى مناسبتهم على قلبي زي العسل واخوي اصغر مني بيضرب ويقولي فى كلام عيب 😞 بساعد الجميع لكن ماحدا بيساعدني ... اتقدمولي عرسان وقت دراستي رفضت عشان اكمل دراستي وقت اتخرجت اتقدملي العريس الاول متعلم ومعه راتب وسكن فوق العايلة لكن بيدخن ومارتحتله نهائي وقت شفت صورته ف رفضته ، اتقدملي العريس ثاني معه راتب وعمل حر وسكن فوق العايلة وهو نفس عمري لكن طايش كثيرا بشوف فيه على النت ف رفضته ، اتقدملي العريس الثالث معه راتب وعمل حر والسكن ناوي يبني فوق العايلة عملت مقابلة شرعيه وافقت وطلب يحكى معي بموبيل قالي انه نسوانجي وعنده علاقة حب بواحدة حكى معها قبل مقابلة بيوم قالتله اتزوجها قالي هي متزوجة اي عمل علاقات مع صبايا ومتزوجات وارامل ومطلقات وشكاك فيا لانه خاين ف رفضته بدون مااعمل شي رسمي ، اتعرفت على شاب طبيب نفس مهنتي ودفعتي وحبني وكل مااطلب منه يعمل خطوة رسميه يقولي لا مامعي مصاري راتب مانزل مامعي سكن وهك لحدا فى يوم لاقيت الناس تباركله على النت على خطوبته فى صفحة المستشغى وهو قفل صفحتهالشخصيه على النت ، زعلت وبكيت وصليت وقريت سورة البقرة تعرفت على بنت طلبتني لسلفها للى هو خطيبي العمر مناسب بينا مو متعلم وسكن فوق العايلة ومامعه سيارة ساءلنا عليه قالو طيب كثيرا عملت مقابلة شرطت عليه العمل والدراسة قالي حاضر وهو شرط عليا قالي امي وابوي واختي انتبهي لهم ماتخدميهم ولاشي بس انتبهي لهم ، فكرت ان خيركم خيرا لى اهله ومشيت بقول رسول الله صلي الله عليه وسلم تزوحو من ترضوه خلقآ ودينآ بيصلي ويصوم ويزكي وصادق وحنون وبرا بوالديه و العمل معه راتب ينزل بعد مدة يشتغل عمل حر ك راعي غنم ويركب غرف النوم يشتغل اي شي فى حلال ووقت نزل راتبه بعد مدة طويلة اشترالي دبلة بسيطة جدا كان وقتها عادي مايشترالي دبلة ومايهتم بس حب يفرحني واشتراها ليا وفرحت فيها كثير وقت احكى معه يقولي الله يقدرني وماازعلك ، عمري بيمشي عندي قريبيتي طبيبه رفضت عرسان كثيرا عشان تتزوج بطبيب فعلا اتزوجت بطبيب لكن اكبر منها بي 20 سنة وله 16 سنة متزوج وماعنده اطفال ف طلق مرته واخد قريبتي ولسه ربي مارزقهم بي اطفال ، وقريبتي صيدلانيه زوجها ماعنده راتب والسكن ايجار وعمل حر يوم في ويوم لا ، صديقتي طبيبه زوجها من الدفاع المدني اتوفي بالحرب ومعها 3 اطفال وعايشه على راتبها وبس ، وصديقتي زوجها معه راتب وسكن ملك لهم لكن اهله بيساعدوه ، وزوج قريبتي ديما بيحقد ويحسد الناس مثلا فلان كدا راتبه وفلان معه مصاري وفلان كسب كدا وهك وانا فقير وهو الله فاتحها عليه لكن هك عاش يشوف للناس شو يملكو وديما مصاري ... خطيبي ماحسيت ابدا فيه الحقد او الحسد ديما بيساعد الغير ويشتغل لو راعي غنم المهم شغل حلال وماحسيت انه طمعان فيا ابدا لان اي شي بيقول كل شي تسخير من الله وكلها ارزاق من الله وبيقولي الله يقدرني وماازعلك وبدعمك ومثقف وواعي وفاهم عليا ، بنات انا خايفة اوافق انه التعليم يشكل عائق بينا او حالة الماديه بتأثر فينا ؟ وخايفة ارفض ببقي فى بيت اهلي اخدمهم واخوي العصبي واخواتي طمعانين فيا امسكي اطفال ووقفي فى مناسبتهم والعمر يمشي بيا ، او يجي عريس يطلع متعلم بس عصبي او مشاكله كثيرة او نسوانجي مااعرف كيف اعمل ! بقول خطيبي مميزاته بيصلي ويصوم ويزكي وصادق حكى معي بوضعه من الاول وحنون وكريم وفاهم عليا ويدعم فيا معنويا ووموافق على عملي ودراستي تزوجو من ترضوه خلقآ ودينآ و قالي خدي بالك من اهلي ماتخدميهم ولا شي بس لانهم عايشين معانا سكن فوق العايلة خيركم خيرا لى اهله وقالي الله يقدرني وماازعلك ، عيوبه مو متعلم لكن واعي وفاهم الحياة ، انه راتبه ينزل بعد مدة لكن يحاول يشتغل اي شي لو راعي غنم وكلها ارزاق من الله ، ماعنده سيارة ولا سكن مالك لنا لكن خطوة خطوة بنساعد بعض ويكون ليا سند فى الحياة ، شو رايكم بنات لاني محتارة وهل قراري صح ؟؟؟؟