لا حبيبتى انا بدلك على طريقة حلوة

فصلى لها قاعدة المونيوم عند الحداد ( اللى يسوى الالمونيوم مو الحديد )
يجى ياخذ قياساتها بالاول ويفصلها لك وما تكلف وايد بس لازم يسوى لها عجلات ( تواير )
وشكله كانه برواز بتواير
انا مسويه للثلاجة والفرن ( الجوله ) والفريزر
ويسهل عليكى تحريكها

ياقلبي حطي تحت الغساله خشب
وفصلي لها قماش تلبيسه على مقاس الغساله
ويكون القماش فيه قطن عشان يسحب الرطوبه
في الرطوبه
ووفقك الله

مشكورات بنات من كل قلبي وان شاء الله بفصل قاعده لها ونسبه للتفصيل القماش اللي احطه عليها مافهمت اشلون بالعكس احس انو بتزيد اكشر الصدا فيها والف شكر على من مر

دام انها في الحمام لازم بيصيدها رطوووووبة

وخاصة الحين حررررررررر من فترة شفت تلبيسة للغسالة
ومن داخلها قطن اكيد في عندكم
وامي حاطة طربال عليها علشان ما تصدي
وانا غسالتي من كثر الصدا اللي فيها اخر شي جلدتها
جلادة عادية اللي فيها اشكال والوان
والحين اي حد يجيني الشقة ما يعرفون انها غسالة
لانها مجلدة وكانها صايرة طاولة

انا غسالتي حاطتها بحمام خاص
وكمان مفصله لها تلبيسه جلد مبطن بالقطن
والحمدالله صار لها معي ست سنوات
ماشيه تمام