السلام وبعد

السلام عليكم وبعد
انا فتاة يائسه من الحياة خلصت من الثانويه وتمنيت اني ما خلصت قلت لأبوي ابي اشتغل
في بنك قال لا قلت ابي اشتغل في مقصف كمان قال لا لأن راتب 1500وش يسوي معنه الحمد الله مستوره علينا ولاكن الطمع وقلت له بأدخل معهد مع صديقتي والمعهد بعيد شوي قال ماعندي بنات يروحون مكان بعيد وقلت في خاطري هذا السنه الكليه ولاكن قلت اكيد بيقول نفس السبب بعيد قلت بدل مااجلس في البيت نروح عند بنات خالتي ونرجع كمان رفض مع
انهم في نفس المنطقه وبينا وبينهم شارع وما عند خالتي اولاد ليه يرفض نبقى نتمشى مع خالي
كمان رفض وحس خالي مايثق فيه وصار ما يجي عندنا الا نادر وفوق هذا لانزور احد ولااحد
يزورنا والله كأن في سجن بنات خالتي كانوا يجون ماصاروا يجون وفوق هذا يصدق الناس
او اي كلام ينقاله عنا ويصدقه احنا عنده كذابين مهما حلفنا واذا جاء احد من ديرتنا يجلس
يصارخ ولآيخلينا نسولف مع الناس معنه كل شئ مرتب والله احس الناس يتضايقون ومايبغى
احد يجينا وما يبغانا نكلم بتلفون والله مانعرف لاصديقه ولاعزيزه بنت خالتي كنت اموت فيها
بس هي الا ابتعدت عني خاصتن بعد ما اتزوجوا خواتها مع هذا انا اكبر منها بسنه قولوا
وش اسوي ولما اتفائل بشي يصير لغيري ما ادري وش السبب والله من الفراق ال
انا قاعده فيه صرت افكركثيربزواج نفسي اتزوج وارتاح نفسين احس ان الزواج هو
الأمل الوحيد مع كل هذا بتقولون تفاهمي مع ابوك مايبي واليهزئك مثل حائط الصد
بناوبينه كلامي صح اوغلط الزواج هو الحل ؟ ادعوا لي بزواج في اخر الليل اتمنى
حتى جدتي قالت لأمي اشلون بناتك يتزوجون وهم محبوسين في سجن والله حز في خاطري
كلامها قولوا لي الحل واتمنى ان الموضوع ما ينحذف مع السلامه