السلس البولي وانتهاء صلاحيتي كإمرأة....الله يفرج هم الي ترد علي

الحمدلله عكل حال هاد الحمل التاني بس متاعبه كثيرة مو مثل الحمل الاول خفيف وسهل


المهم من بداية الحمل صرلي سلس بولي والحين زاد وصلت نهاية الخامس

تعبت من هالموضوع حسيت نفسي خلاص انتهت صلاحيتي كامرأة من اقل شيء يصيبني سلس البولي

احط كوتكس وللاسف يتسرب للكلوت

صلاتي الله اعلم اذا مقبولة او لا كثير يتسرب مني والمصيبة ان كنت خارج البيت

وللحين اتقيأ ورغم هالشيء اسمن جسمي منفوخ احسه ورجولي من اول شهر وارمة


يا بنات اسئلتي
السلس البولي يعني الرحم ضاغط عالمثانة وهالشيء احسه غريب بالشهر الاول ومستمر للحين

وفعلا حركة البيبي ما احسها الا تحت السرة وماتغيرت

هل ضغط الرحم للاسفل يؤدي لولادة مبكر؟

وتعتبرون ان هالشيء طبيعي من بداية الحمل للحين؟

وسؤال ثاني عشان الانتفاخ كل الاطباء يقولون عادي بالحمل بس غريبة من اول شهر


تظنون زيادة الوزن الي عندي بسبب تجمع الماء بجسمي؟
مين صرلها نفس الحالة وبعد الولادة نحفت بشكل ملحوظ؟


الله يفرج هم كل وحدة تفيدني بمعلومة انا خلاص احس نفسيتي تدمرت