السلطة اللي تقدم على سفرة رمضان مع اللقيمات والطعمية والسمبوسة

مساكم الله بالخير وصبحكم
جمعة مباركة
كيفكم إن شاء الله بخير
بكرررررررررررررررة مدارس الله يعين الجميع
بغيت أقولكم عن السلطة اللي نسويها في رمضان ونقربها في سفرة رمضان
سلطة الحُمر ( التمر الهندي)
ناس يسوونها بالحُمر والكراث
وأنا اسويها كالآتي :
أنقع الحُمر حسب الكمية اللي تبغينها وبعدين أهرسة وأصفية
وأصفية بمصفاة فتحاتها كبيرة علشان قشور الحُمر تكون بعضها مكسرة صغار ومع النقع تظهر في قاع الزبدية
وبعدين أطحن 2 حبة طماطم
شوية كزبرة خضراء
فص ثوم
فلفل اخضر حار حسب الرغبة
ونحطنها في الطحانة اليدوية حقت زمان الحمرا علشان تطلع طيبة أحسن من الطحانات الكهربائية جربتها تخليها عصير مو سلطة
و ترى أنا مسوية المقادير من عندي أنتوا على حسب الكمية لأنه عند أهلي نسوي برطمان كبير زي حق مخلل الطرشي ونحطه في الثلاجة ولمن يخلص نسوي جديد وأنا في بيتي أسوي لي في قارورة صغيرة لأنه زوجي مايحب الحُمر أسويها له بدون الحُمر ....
واللي تبغى تسوي السلطة كذا وكذا يعني حار وبدون فلفل اطحنيها وبعدين خرجي منها شوية للي ما يحبون الفلفل (( :09: مثلي :o )) بعدين أرمي في الطحانة الفلفل الحار وأطحني
وبعد ما تطحنين السلطة ضعي الحُمر بالتدريج على السلطة حتى لآتصير شوربة من كثرة الحُمر يعني تكون لاهي ثقيلة ولا هي خفيفة وقلبي علشان الطماطم تنخلط مع الحُمر
وتحطين عليها الملح والكزبرة الناشفة المطحونة حسب الرغبة وشوية كمون مطحون أيضاَ حسب الرغبة ....
واللي عندها طرق آخرى تضيف علشان نفيد بعض قبل لا يهلّ علينا رمضان بخيره وما ألقى فرصة إلا فين وفين أدخل على المنتديات ... كني طولت :p
وسامحوني على الإطالة :)
ودمتم