السلفة ... زوجة الحما ... ؟؟؟؟؟ ما اقول الا الله يهديها

شلونكم بنات حبيت اشارك بهالموضوع لانى ما لقيت موضوع مشابة لة انا تزوجت ولد عمي واهوا ترتيبة الثاني واخوة الكبير متزوج قبلة بسنة واللة يا بنات من الملجة وانا تونى ما دشيت بيتهم وما نعرف خيري من شري وزوجة حماي معاديتنى السلام جنة غصب اسلم ما ترد والنفس الخايسة هذا كلة قبل لا ادش بيتهم الى اهوا بيت عمي ومن بعد العرس صارت عدوتى والغيرة ماكلة قلبها والتلزق بخوات زوجي يعنى انا الحبيبة الغالية وانا يابنات واللة ما اعرف اتلزق او اقط ويهي غير الهدايا مع انها قبل مو معبرتهم مع انها مو ناقصها شي حلوة وتدرس بالمعهد بوقتها وزوجها يعاملها يا دهينة لا تنكتين لكن ما ادري ليش حاطتنى ببالها حتى لما يبت ولدي الاول طبعا عمرها ما باستة ولا كلمة حلوة للياهل مع انى كنت عادية مع ولدها احبة واذا بايدي شي عطيتة لدرجة انها تنزل ولدها مع العابة علشان يشوفة ولدي ويبجي وطبعا الولد موصى لحد ياخذ العابك ومع ان ولدي عندة الحمدللة لكنة تحلالة العاب ولدها ويا ما صارت مشاكل على اسباب تافهة لدرجة ان بعد ولدي الثاني حتى مايتنى بنفاستى وحتى لما رديت البيت ما سلمت على وليما الحين ما تسلم . انا قولكم هالشي بس لانة شي بقلبي ابي اقولة انا الحين الحمدللة بشقة بروحي ومرتاحة واربي عيالي على كيفي بس انا ليما الحين محتارة شفيها على والله يا بنات احس انها تتبع اخباري وشنو سويت وتخزنى بالمناسبات والاعراس جنى جارتها مو حماتها ما اقول الا اللة يهديها . والى لها قصة مشابهة تشارك فيها.اللة يكافينا شرهم ويشغلهم بنفسهم . وسلامتكم