السلفه او الحماه

حبيباتي ابي اقول لكم سالفة سلفتي او حماتي على قولت البعض اللي هي زوجت حماي اخو زوجي
بنات انا الاولى اي متزوجه قبل المشكله انه بينا غيره انا اعار منها مااكذب بس اوقات احس انها اختي واحاول اساعدها خاصه لما احس بظلم عليها واقول لها على كل شي خاصه اوقات تتمسكن وتحزني واصير مخلصه لها بس صرت الاحظ عليها غيره مني لما ازين بيتي اواجدده احس عيونها بتطير وتصير ماتكلمني وحتى لما اكلمها ماترد علي ونضرتها لي واقفه يعني فيها شي ودايم تقول انا قلت لزوجي ششكلهم راحوا وشكلهم جايين من هالمكان وانا اصير استحي منها ولا بنفسي ودي اقول وش دخلك فينا ليه مشغلينك رادار
انا ساكنه بعيد يعني بمدينه بعيد عنهم ولما اجي اكون طاقتها كشخه صراحه انا اتعمد اكشخ علشان اقهرها بس والله لما تصير طيبه معي اني مافي زي اصير اخت لها
المهم اخر مره جينا قيها للديره اخذنا اهل زوجي وطلعناهم للعمره ومشيناهم وديناهم للسوق انا ابي اكسب اهل وجي وعمي ابو زوجي كان طالع هو وزوجته الثانيه لمشوار واحنا رحنا السوق لما رجعنا وباليل الا زوجي يقول اخوي دق علي ويقول ليه ماقلتوا لنا وابوي تراه زعللان ليه تطلع اهلي وماتقول لنا وانه زوجته شافت عمي زعلان انا ماصدقت وقلت ليه يزعل مافي شي يزعل بالعكس اكيد مبسوط لنا طلعنا اهلك واحس زوجي مو قادر ينام والله يبنات كنت حاسه انه حركه من زوجة اخوه بس سكت خفت يقول انت بس تكرهينها
والصباح راح لابوه وسلم على راسه وقال سامحني والله ماجاء على بالي صح المفروض كنت اقول لك تخيلوا وش كان رد عمي
قال من قال اني زعلان والله عادي بالعكس الله يعطيك العافيه وهذول اهلك وماقصرت
يعني طلع كل الكلام من عندها يالله انا هنا انفجرت شفت انا كنت حاسه والا بروح اخبر عمتي واخواته بعدين قلت يابنت حرام يمكن كان نفسها ناخذهم معنا او نقول لهم
الحين يابنات افكر اقول لاخت زوجي على القصه مدري كذا احس ودي اوقفها عند حدها زوجي ماقال لاخوه انه الكلام كذب وانه عمي مو زعلان انا انقهرت ليه ماقلت له خله يدريي انه من زوجته
هاه وش رايكم اقول لاهل زوجي ولا اقصر الشر واخليها تعدي زي غيرها اخاف اكون انا اللي خسرانه لنها هي بنت عمهم وعايشين مع بعض
طيب ايش اسوي علشان اوقفها عند حدها وماتكررها